మస్కట్: ఒమన్ లో 15 మంది ఆసియా జాతీయులను అరెస్టు చేశారు. వీరందరూ దేశంలోకి అక్రమంగా ప్రవేశించడానికి ప్రయత్నించారని ముసందమ్ గవర్నరేట్ పోలీస్ కమాండ్ తెలిపింది. దిబ్బా మరియు బుఖాలోని విలాయత్‌లలో వీరు అక్రమంగా బార్డర్ క్రాస్ చేస్తుండగా గుర్తించి, అదుపులోకి తీసుకున్నట్లు వెల్లడించారు.  

మరో కేసులో చోరీలకు పాల్పడుతున్న ఇద్దరిని అరెస్టు చేసినట్లు నార్త్ అల్ బటినా గవర్నరేట్ పోలీస్ కమాండ్ తెలిపింది. ఇద్దరు వ్యక్తులు అల్ సువైక్ విలాయత్‌లోని ఒక ఇంటి నుండి నగలు, నగదును దొంగిలించారని వెల్లడించారు. వారిపై కేసు నమోదు చేసి చర్యలు తీసుకుంటున్నట్లు పోలీసులు పేర్కొన్నారు.