కువైట్: కువైట్ లో వాతావరణం వేగంగా మారుతోంది. రాబోయే రెండు మూడు రోజులు ఆకాశం మేఘావృతమై, అక్కడక్కడ వర్షాలు కురుస్తాయని వాతావరణ శాఖ తాత్కాలిక డైరెక్టర్ దర్రార్ అల్-అలీ తెలిపారు. కొన్నిసార్లు ఉరుములతో కూడిన వర్షాలు కురుస్తాయని హెచ్చరించారు. ఇక బుధవారం సాయంత్రం నుండి గురువారం ఉదయం వరకు భారీ వర్షాలు కురుస్తాయని తెలిపారు.

కువైట్ ఎగువ వాతావరణంలో అల్పపీడన వ్యవస్థ కారణంగా వర్షాలు కురుస్తాయని తెలిపారు.  అదే సమయంలో లో విజిబిలిటీ తగ్గుతుందని, కాబట్టి వాహనదారులు జాగ్రత్తగా హెచ్చరించారు.  తెల్లవారుజామున కొన్ని ప్రాంతాలలో పొగమంచు ఏర్పడే అవకాశం పెరుగుతుందని ఆయన పేర్కొన్నారు.

డిపార్ట్‌మెంట్ అధికారిక వెబ్‌సైట్, మొబైల్ అప్లికేషన్ మరియు సోషల్ మీడియా ప్లాట్‌ఫామ్‌ల ద్వారా తాజా వాతావరణ అప్డేట్ లను అనుసరించాలని సూచించారు.