రియాద్: ఇళ్లలో, ప్రైవేట్ పొలాల్లో పశువులను మేపుతూ పనిచేసే వ్యవసాయ మరియు పశుపోషణ కార్మికులకు సౌదీ అరేబియా గుడ్ న్యూస్ తెలిపింది. కొత్త నిబంధనల్లో కార్మికులకు వార్షిక సెలవు మరియు వీక్లీ సెలవులు సహా అనేక ప్రయోజనాలు ఉన్నాయని మానవ వనరులు మరియు సామాజిక అభివృద్ధి శాఖ మంత్రి ఇంజనీర్ అహ్మద్ అల్-రాజీ తెలిపారు. ఉద్యోగులు ప్రతి సంవత్సరం కనీసం 30 రోజుల వేతనంతో కూడిన వార్షిక సెలవుకు అర్హులు అని పేర్కొన్నారు.

ఉద్యోగులు తమ వార్షిక సెలవును పొందేలోపు ఉద్యోగ ఒప్పందం ముగిస్తే, దానికి సమానమైన పరిహారం పొందే హక్కును కలిగి ఉంటారని తెలిపారు.  మరోవైపు కార్మికులు రోజులోనూ 8 గంటల కంటే ఎక్కువ పని చేయించుకోవడం చట్ట విరుద్ధమని తెలిపారు.   అలాగే,  యజమానులు 21 సంవత్సరాల కంటే తక్కువ వయస్సు ఉన్న కార్మికులను నియమించడం లేదా వారికి ఉద్యోగ ఒప్పందంలో పేర్కొనని పనిని అప్పగించడాన్ని నిషేధించినట్లు తెలిపారు.