పనామా పేపర్స్‌ ద్వారా గతంలో కనీవినీ ఎరుగని రీతిలో ప్రపంచ నల్లధనం కుబేరుల బాగోతం బట్టబయలైన విషయం తెలిసిందే. ఇప్పుడు ఈ పనామా పేపర్స్‌ ఆధారంగా ఓ సినిమా రాబోతోంది.అమెరికన్‌ మల్టీనేషనల్‌ ఎంటర్‌టైన్‌మెంట్‌ కంపెనీ అయిన నెట్‌ఫ్లిక్స్‌.. జాన్‌వెల్స్‌ నిర్మాణ సంస్థలు సంయుక్తంగా ఈ పనామా పేపర్స్‌ సినిమాను తెరకెక్కించనున్నాయి. జర్మన్‌ పరిశోధనాత్మక జర్నలిస్టులు బాస్టియన్‌ ఒబర్‌మేయర్‌, ఫ్రెడ్రిక్‌ ఒబర్‌మయర్‌లు రాసిన 'ద పనామా పేపర్స్‌' పుస్తకం ఆధారంగా ఈ సినిమా తెరకెక్కనుంది. నెట్‌ఫ్లిక్స్‌ సంస్థ ఇప్పటివరకు ఎన్నో సూపర్‌హిట్‌ చిత్రాలను నిర్మించిందని ఇప్పుడు ప్రపంచాన్నే కుదిపేసిన పనామా పేపర్స్‌ సినిమా తెరకెక్కించనుందని జాన్‌ వెల్స్‌ నిర్మాణ సంస్థ రుడ్నిక్‌ పోల్‌స్టీన్‌ తెలిపారు. ఈ సినిమాకు సంబంధించి పూర్తి వివరాలను త్వరలో వెల్లడిస్తామన్నారు.