యూఏఈ: యూఏఈలో వర్షాలు తగ్గుముఖం పట్టాయి.ఈ మేరకు జాతీయ వాతావరణ కేంద్రం (NCM) వెల్లడించింది.అయితే వారాంతం వరకు అత్యల్ప ఉష్ణోగ్రతలు మరియు అప్పుడప్పుడు మోస్తరు జల్లులు కురిసే అవకాశం ఉందని తెలిపింది.కొన్నిసార్లు గాలులు బలంగా వీస్తాయని వెల్లడించింది. అరేబియా గల్ఫ్ మరియు ఒమన్ సముద్రం రెండింటిలోనూ సముద్రం అల్లకల్లోలంగా ఉంటుందని పేర్కొంది.

కాగా, గురువారం రాత్రి మరియు శుక్రవారం దేశంలోని చాలా ప్రాంతాలలో వర్షాలు కురిశాయి. రాస్ అల్ ఖైమాలోని అల్ ఘజ్లాలో అత్యధికంగా 127 మిల్లీమీటర్ల వర్షపాతం నమోదైంది. సాకర్ పోర్ట్ స్టేషన్‌లో 123 మి.మీ, జబల్ అల్ రహబాలో 117.5 మి.మీ, జెబెల్ జైస్‌లో 116.6 మి.మీ, రాస్ అల్ ఖైమా నగరంలో 72 మి.మీ వర్షపాతం నమోదైంది.