కువైట్: అల్-అహ్మది గవర్నరేట్‌లోని అల్-వఫ్రా వ్యవసాయ క్షేత్రంలో విధుల్లో ఉన్న సైనిక సిబ్బందిపై దాడికి పాల్పడిన ఇద్దరు వ్యక్తులను అంతర్గత వ్యవహారాల మంత్రిత్వ శాఖ అదుపులోకి తీసుకుంది. చేతులు మరియు ఎడమ కాలులో గాయపడిన సైనికుడిని సబా అల్-అహ్మద్ ఆసుపత్రికి తరలించి చికిత్స తర్వాత డిశ్చార్జ్ చేసినట్లు మంత్రిత్వ శాఖ ఒక ప్రకటనలో తెలిపింది.

నిర్లక్ష్యంగా డ్రైవింగ్ చేయడం, విధుల్లో ఉన్న భద్రతా సిబ్బందిపై దాడి చేయడానికి ప్రయత్నించడం, వారి ప్రాణాలకు ముప్పు కలిగించేలా ప్రవర్తించడం వంటివి తీవ్రమైన నేరాలు అని మంత్రిత్వ శాఖ తెలిపింది.  నిందితులపై కఠినంగా వ్యవహారిస్తామని స్పష్టంచేసింది.