కువైట్: జాతీయ సమస్యలను పరిష్కరించడం, ప్రధాన సంస్కరణలను ప్రారంభించడం మరియు స్థిరమైన ఆర్థిక పరివర్తనను ముందుకు తీసుకెళ్లడం లక్ష్యంగా 100 కి పైగా నిర్ణయాలను ఆమోదించడంలో 2025లో మంత్రివర్గం బిజీ బిజీగా గడిపింది. న్యాయ, ఆర్థిక మరియు సామాజిక రంగాలను ప్రభావితం చేసే కొత్త చట్టాలను అమల్లోకి తీసుకొచ్చారు. కీలక సంస్కరణలలో క్రిమినల్ మరియు సివిల్ విధానాలు, కోర్టు రుసుములకు అప్డేట్ లు ఉన్నాయి. అలాగే పబ్లిక్ అథారిటీ ఫర్ యాంటీ-కరప్షన్ (నజహా) మరియు డిజిటల్ లావాదేవీల చట్టాలకు సవరణలు కూడ ఉన్నాయి.

ఈ సంవత్సరం ప్రవేశపెట్టిన ఆర్థిక చర్యలు ఆర్థిక స్థిరత్వం మరియు వృద్ధిపై దృష్టి సారించాయి. వీటిలో డిజిటల్ వాణిజ్యం కోసం కొత్త నిబంధనలు, దివాలా చట్టాలకు అప్డేట్ లు, ఫైనాన్సింగ్ మరియు లిక్విడిటీపై డిక్రీలు ఉన్నాయి. సామాజిక మరియు మానవతా చట్టాలను కూడా బలోపేతం చేశారు. పిల్లల హక్కుల చట్టం మరియు తప్పిపోయిన వ్యక్తులను రక్షించే చట్టాన్ని ప్రవేశపెట్టడం వంటివి కీలక చొరవలలో ఉన్నాయి. నేర నివారణపై, మాదకద్రవ్యాలు, సైకోట్రోపిక్ పదార్థాలు, అంతర్జాతీయ నేరాలు మరియు సరిహద్దు న్యాయ సహకారాన్ని పరిష్కరించే చట్టాలను క్యాబినెట్ ఆమోదించింది.

అంతర్జాతీయ ప్రమాణాలకు అనుగుణంగా కొత్త నిబంధనలతో పౌర విమానయానానికి నిర్మాణాత్మక సంస్కరణలు విస్తరించారు. ముబారక్ అల్-కబీర్ పోర్ట్ కోసం చైనీస్ కంపెనీతో ప్రత్యక్ష ఒప్పందంతో సహా ప్రధాన ప్రాజెక్టుల ద్వారా కువైట్ అభివృద్ధి ఎజెండా ముందుకు సాగింది. ప్రభుత్వం 2025–2026 అభివృద్ధి ప్రణాళికను కూడా ఆమోదించింది. ఇందులో తొమ్మిది కార్యక్రమాలు, 134 ప్రాజెక్టులు మరియు 36 విధానాలు ఉన్నాయి.  ముసాయిదా రాష్ట్ర బడ్జెట్‌తో పాటు, ఇందులో 90 కొత్త ప్రాజెక్టులు కూడా ఉన్నాయి.
ప్రభుత్వ పనితీరు మరియు పారిశ్రామిక లైసెన్సింగ్ నిర్ణయాలను పర్యవేక్షించడానికి ప్రత్యేక కమిటీలను నియమించారు. కువైట్ అంతర్జాతీయ విమానాశ్రయం (T2) ప్రాజెక్ట్‌లో పురోగతిని వేగవంతం చేయడానికి ఒక ప్రత్యేక బృందాన్ని నియమించారు. ప్రభుత్వం ఫిబ్రవరి 7ని కువైట్ క్రీడా దినోత్సవంగా ప్రకటించింది. దివంగత అమీర్ షేక్ నవాఫ్ అల్-అహ్మద్ అల్-సబా పేరు మీద ఉత్తర ద్వీప కోస్ట్ గార్డ్ బేస్ పేరును మార్చారు.