ఈద్-ఉల్-ఫితర్ మూడురోజుల పర్వదినం సందర్భంగా, ఖతార్ ట్రాఫిక్ శాఖ వారు వాహన వినియోగదారులకు, ముఖ్యంగా పార్కింగు విధానం విషయంలో సున్నితంగా జారీచేసిన హెచ్చరికలు అందరి మన్ననలందుకున్నాయి. ఆస్తవ్యస్తo గా లేదా గుర్తింపులేని ప్రాంతాలలో పార్కింగ్ చేసినవారి వాహనాలపై - "ట్రాఫిక్ నిబంధనలు పాటించడం, నాగరిక లక్షణం. మీ వాహనం ఉల్లంఘిత ప్రాంతంలో ఉంది. గమనించవలెను. మీకు ఈద్ శుభాకాంక్షలు" అని ఉన్న స్టిక్కర్లను అంటించారు. అంతేకాకుండా వారికి 15,000 ఈద్ గ్రీటింగులను కూడా పంచిపెట్టారు. ఈ శాఖ డైరక్టర్ - బ్రిగడియర్ మొహమ్మద్ సాద్ అల్-ఖర్జీ, నిబంధనలు అతిక్రమించిన వారి వద్దనుండి జరిమానా వసూలు చేయడం తమ ఉద్దేశం కాదని, వారు ట్రాఫిక్  నియమనిబంధనలు పాటించడం ద్వారా, వారికి ఇంకా ఇతరులకు కూడా భద్రత కల్పించడం తమ లక్ష్యమని తెలిపారు. తమ ఈ వినూత్న ప్రయోగానికి, ప్రజలు, వాహనదారుల నుండి సానుకూల ప్రశంసలు రావడం ఆనందంగా ఉందన్నారు.

--వి.రాజ్ కుమార్(మాగల్ఫ్ ప్రతినిధి,ఖతార్)