రియాద్: సౌదీ అరేబియా క్రౌన్ ప్రిన్స్ మరియు ప్రధాన మంత్రి మహమ్మద్ బిన్ సల్మాన్ కు ఒమన్ సుల్తానేట్ సుల్తాన్ హైతమ్ బిన్ తారిక్ లెటర్ రాశారు. ఇరు దేశాల మధ్య సంబంధాలకు సంబంధించిన పలు అంశాలను అందులో ప్రస్తావించినట్లు అధికార వర్గాలు తెలిపాయి. రియాద్‌లో సౌదీ అరేబియాలోని ఒమన్ రాయబారి నజీబ్ అల్-బుసైదితో జరిగిన సమావేశంలో విదేశాంగ శాఖ ఉప మంత్రి వలీద్ అల్-ఖెరీజీ ఈ లెటర్ ను స్వీకరించారు. ఈ సమావేశంలో వారు ద్వైపాక్షిక సంబంధాలు మరియు వివిధ రంగాలలో సంబంధాలను పెంపొందించే మార్గాలను సమీక్షించారు. ఈ సందర్భంగా ఇరు దేశాలకు సంబంధించి పరస్పర ఆసక్తి ఉన్న అంశాలపై కూడా వారు చర్చించారు.