మహబౌలాలో మొత్తం 229 మందిని అరెస్ట్‌ చేశారు. సీనియర్‌ మినిస్ట్రీ అధికారులు, అండర్‌ సెక్రెటరీ లెఫ్టినెంట్‌ జనరల్‌ సులేమాన్‌ అల్‌ ఫహాద్‌ నేతృత్వంలో ఈ కార్డన్‌ని నిర్వహించారు. చట్టాన్ని చేతుల్లోకి తీసుకున్నవారిని, చట్టాల్ని ఉల్లంఘించి చట్ట వ్యతిరేక కార్యకలాపాలకు పాల్పడుతున్నవారిపై ఉక్కుపాదం మోపారు. అరెస్టయినవారిలో ఇద్దరిపై క్రిమినల్‌ కేసుల్ని నమోదు చేశారు. 120 మంది తప్పించుకు తిరుగుతున్నవారున్నారు. నలుగురు లేబర్‌ రెగ్యులేషన్స్‌ని అతిక్రమించినవారు, 13 మంది గడువు తీరిన వీసా కలిగినవారు, 61 మంది ఐడీ కార్డులు లేనివారు ఉన్నారు. ఓ వ్యక్తి దొంగతనం కేసులో అరెస్టయ్యాడు. అరెస్టయినవారిని తదుపరి విచారన కోసం తరలించారు. నేరాలను అరికట్టేందుకోసం మినిస్ట్రీ సంబంధిత శాఖలతో కలిసి ఈ కార్యక్రమాన్ని చేపట్టింది.