కొలకలూరి పురస్కారాలు గత 19 సంవత్సరాలుగా ప్రతిష్టాత్మకంగా ప్రదానం చేయబడుతున్నాయి. ఈ సంవత్సరం పురస్కారార్థం అందిన సుప్రసిద్ధ సాహిత్య స్రష్టల గ్రంథాలను న్యాయనిర్ణేతలు పరిశీలించి, వివిధ విభాగాలలో ఎంపికైన గ్రంథాలను ప్రకటించడం ఆనందదాయకమని నిర్వాహకులు తెలిపారు. విజేతలకు హృదయపూర్వక అభినందనలు తెలియజేశారు.

కొలకలూరి భాగీరథీ కథానికా పురస్కారం–2026 (మా అమ్మ)
న్యాయనిర్ణేతలు: డా॥ రాసాని వెంకట్రామయ్య, ఆచార్య జి. బాలసుబ్రహ్మణ్యం, ఆచార్య కె. లావణ్య.

• “ఏకలవ్య కాలనీ (ఎరుకల జీవన గాథలు)” – రచయిత పలమనేరు బాలాజీ – రూ.20,000/-
• “నల్లబంగారం” – రచయిత్రి స్వర్ణ కిలారి – రూ.10,000/-

కొలకలూరి విశ్రాంతమ్మ నవలా పురస్కారం–2026 (మా నానమ్మ)
న్యాయనిర్ణేతలు: ఆచార్య రాచపాళెం చంద్రశేఖరరెడ్డి, ఆచార్య కె. దామోదరనాయుడు, ఆచార్య పి.సి. వెంకటేశ్వర్లు.

• “ఏకుదారం (చేతివత్తుల సంతకం)” – రచయిత డా॥ బి. నాగశేషు – రూ.20,000/-

కొలకలూరి రామయ్య విమర్శన పురస్కారం–2026 (మా తాతయ్య)

న్యాయనిర్ణేతలు: ఆచార్య కె. శారద, ఆచార్య ఆర్. రాజేశ్వరమ్మ, ఆచార్య దార్ల వెంకటేశ్వరరావు.

• “చెమట చెక్కిన వాక్యం” – విమర్శకుడు కెంగార మోహన్ – రూ.20,000/-
• “విస్తార” – విమర్శకుడు ఎం.వి. రామిరెడ్డి – రూ.10,000/-

న్యాయనిర్ణేతలకు కృతజ్ఞతలు తెలియజేసిన నిర్వాహకులు, పురస్కార గ్రహీతలకు అభినందనలు తెలిపారు. అలాగే తమ రచనలు పంపిన సాహితీ స్రష్టలందరికీ ధన్యవాదాలు తెలిపారు.

మా అమ్మ జయంతి, వర్ధంతి సందర్భంగా ఫిబ్రవరి 26, 2026 సాయంత్రం 6 గంటలకు సురవరం ప్రతాపరెడ్డి తెలుగు విశ్వవిద్యాలయం, నాంపల్లి (హైదరాబాద్)లో పురస్కార ప్రదాన సభ నిర్వహించబడుతుంది.

--ఆచార్య కొలకలూరి మధుజ్యోతి, 94419 23172 (పూర్వ వైస్ ఛాన్స్‌లర్, ద్రావిడ విశ్వవిద్యాలయం)

--ఆచార్య కొలకలూరి సుమకిరణ్, 99635 64664 (ఆంగ్లాచార్యులు, మెంబర్, ఇ.సి. డైరెక్టర్ పిఇటిసి, అధ్యక్షులు, బి.ఒ.ఎస్)