విజయ్‌ దేవరకొండ, రీతూ వర్మ, నందు తదితరులు ప్రధాన పాత్రల్లో శుక్రవారం విడుదలైన చిత్రం 'పెళ్లి చూపులు'. ఈ చిత్రాన్ని చూసిన హీరో రానా ట్విట్టర్‌ వేదికగా యూనిట్‌ సభ్యులను ప్రశంసించారు. చిత్రం నచ్చిందని, తరుణ్‌ భాస్కర్‌ చెప్పిన కథ చాలా బావుందని, కచ్చితంగా చిత్రాన్ని చూడండని అభిమానులను కోరారు. హీరోహీరోయిన్లు విజయ్‌, రితూ వర్మ నటన అద్భుతంగా ఉందని ప్రత్యేకంగా అభినందించారు. తరుణ్‌ భాస్కర్‌ దర్శకత్వం వహించిన ఈ చిత్రాన్ని ధర్మపథ క్రియేషన్స్‌, బిగ్‌ బెన్‌ సినిమాస్‌ పతాకంపై రాజ్‌ కందుకూరి, యష్‌ రంగినేని నిర్మించారు. డి. సురేష్‌బాబు సమర్పణలో విడుదలైన ఈ చిత్రానికి వివేక్‌ సాగర్‌ సంగీతం సమకూర్చారు.