గోధుమపిండి లడ్డు
కావలిసిన పదార్ధాలు
గోధుమ పిండి - అరకిలో
పంచదార పొడి - పావుకిలో
నెయ్యి - అరకిలో
పాలు - రెండు టేబుల్‌ స్పూన్లు
శెనగపిండి - నాలుగు స్పూన్లు
యాలకులపొడి - రెండు టేబుల్‌ స్పూన్లు
గసగసాలు - కొద్డిగా
తయారీ విధానం
వెడల్పాటి బాణలిలో మూడు టేబుల్‌ స్పూన్ల నెయ్యి, గోధుమపిండి తగినన్ని గోరువెచ్చని నీళ్లు పోసి కలపాలి.ఈ ముద్దని చిన్నచిన్న ఉండలుగా చేయాలి. బాణలిలో మిగిలిన నెయ్యి పోసి కాగాక ఈ ఉండల్ని వేసి సిమ్‌లో వేయించాలి. తరువాత వేయించిన ఉండలన్నింటినీ మెత్తగా చిదమాలి. అవసరమైతే రవ్వ జల్లెడతో జల్లించి ఇంకా గట్టిగా ఉన్న వాటిని మిక్సీలో వేయవచ్చు, సెనగపిండిలో ఓ టేబల్‌స్పూను నెయ్యి, గోరువెచ్చని పాలు పోసి బాగా కలపాలి. చిన్న బాణలిలో నెయ్యి వేసి ఈ పిండి మిశ్రమాన్ని వేయించి చల్లారాకా పొడి పొడిగా చేసి గోధుమపిండి మిశ్రమంలో కలపాలి. చివరగా పంచదార పొడి, యాలకుల పొడి వేసి తగినంత నెయ్యి వేసి లడ్డూల్లా చేసి చివరిగా వేయించిన గసగసాల్లో దొర్లిస్తే నోరూరించే గోధుమపిండిలడ్డూ రెఢీ.