రియాద్: ఇజ్రాయెల్‌లోని అమెరికా రాయబారి వ్యాఖ్యలను సౌదీ అరేబియా విదేశాంగ మంత్రిత్వ శాఖ తీవ్రంగా ఖండించింది . మొత్తం మిడిలీస్టుపై ఇజ్రాయెల్ నియంత్రణను ఆమోదయోగ్యమైనదిగా అర్థం వచ్చేలా ఆయన చేసిన వ్యాఖ్యలు సోషల్ మీడియాలో వివాదస్పదం అయ్యాయి. ఇలాంటి వ్యాఖ్యలు బాధ్యతారహితమైనవిగా పేర్కొంది. ఇలాంటి వ్యాఖ్యలు అంతర్జాతీయ చట్టం, ఐక్యరాజ్యసమితి చార్టర్ మరియు దౌత్య నిబంధనల ఉల్లంఘనగా పేర్కొంది. ఈ ప్రాంతంలోని దేశాలకు మరియు అమెరికాకు మధ్య దీర్ఘకాలంగా ఉన్న సంబంధాలను దెబ్బతీస్తుందని స్పష్టం చేసింది. తూర్పు జెరూసలేం రాజధానిగా 1967 సరిహద్దులతో స్వతంత్ర పాలస్తీనా రాజ్యాన్ని స్థాపించడం అన్ని సమస్యలకు పరిష్కారం అని మరోసారి సౌదీ అరేబియా స్పష్టం చేసింది.