రాకింగ్ స్టార్ యశ్ హీరోగా, గీతూ మోహన్ దాస్ దర్శకత్వంలో తెరకెక్కుతున్న అత్యంత ప్రతిష్టాత్మక చిత్రం ‘టాక్సిక్’ (Toxic) విడుదల వాయిదా పడింది. ముందుగా ప్రకటించిన షెడ్యూల్ ప్రకారం ఈ చిత్రం మార్చి 19, 2026న థియేటర్లలోకి రావాల్సి ఉంది. అయితే, ప్రస్తుతం మధ్య ప్రాచ్య (Middle East) దేశాల్లో నెలకొన్న అస్థిరమైన పరిస్థితులు, ముఖ్యంగా ఇరాన్‌పై అమెరికా-ఇజ్రాయెల్ దాడుల నేపథ్యంలో చిత్ర బృందం సినిమా విడుదలను వాయిదా వేస్తున్నట్లు ప్రకటించింది.

ముఖ్యంగా ఇరాన్‌ పై అమెరికా-ఇజ్రాయెల్ దాడుల నేపథ్యంలో నెలకొన్న ఉద్రిక్త పరిస్థితుల వల్ల అక్కడ సినిమా థియేటర్ల కార్యకలాపాలకు ఆటంకం కలిగే అవకాశం ఉంది. దీంతో గల్ఫ్ దేశాలు భారతీయ సినిమాలకు అతిపెద్ద మార్కెట్ కాబట్టి, ఆ ప్రభావం కలెక్షన్లపై పడకూడదని చిత్ర బృందం భావించిన‌ట్లు తెలుస్తుంది. దీంతో తాజాగా కొత్త విడుద‌ల తేదీని చిత్ర‌బృందం ప్ర‌క‌టించింది. ఈ సినిమాను జూన్ 04న విడుద‌ల చేయ‌బోతున్న‌ట్లు చిత్ర‌బృందం అధికారికంగా ప్ర‌క‌టించింది.