దోహా: ఖతార్ అంతటా ఉరుములతో కూడిన వర్షం, బలమైన గాలులు వీస్తాయని వాతావరణ శాఖ ఒక హెచ్చరికను జారీ చేసింది. ముఖ్యంగా తీరప్రాంతాల్లో వాతావరణం పాక్షికంగా లేదా పూర్తిగా మేఘావృతమై ఉంటుందని, అక్కడక్కడ వర్షం కురిసే అవకాశం ఉందని, కొన్ని ప్రాంతాల్లో ఈ వర్షం ఉరుములతో కూడి ఉండవచ్చని వెల్లడించారు.
తీరప్రాంత సముద్ర జలాల్లో అలల ఎత్తు 1 నుండి 3 అడుగుల మధ్య ఉంటుందన్నారు. ఉరుములతో కూడిన వర్షం పడే సమయంలో ఇది 5 అడుగుల వరకు పెరగవచ్చని తెలిపింది. భారీ వర్షం కురిసేటప్పుడు విజిబిలిటీ 3 కిలోమీటర్లు లేదా అంతకంటే తక్కువ స్థాయికి పడిపోవచ్చని తెలిపింది. నివాసితులు మరియు నావికులు అవసరమైన జాగ్రత్తలు తీసుకోవాలని, అధికారిక భద్రతా సూచనలను పాటించాలని అధికారులు విజ్ఞప్తి చేశారు.