అబుదాబి: ఈవెంట్లను ఫోటో, వీడియోలు తీసి తప్పుడు సమాచారాన్ని వ్యాప్తి చేసినందుకు 109 మందిని అబుదాబి పోలీసులు అరెస్టు చేశారు.అరెస్ట్ అయిన వారు వెబ్‌సైట్‌లను, ఈవెంట్‌లను చిత్రీకరిస్తూ, సోషల్ మీడియా ప్లాట్‌ఫారమ్‌ల ద్వారా తప్పుడు సమాచారాన్ని వ్యాప్తి చేస్తున్నారని ప్రకటించారు. 

ఈ తప్పుడు సమాచారం ప్రజల అభిప్రాయాన్ని రెచ్చగొట్టడంతో పాటు, కమ్యూనిటీ సభ్యులలో పుకార్లను వ్యాప్తి చేస్తుందని పేర్కొన్నారు. సోషల్ మీడియా దుర్వినియోగానికి సంబంధించిన ఉల్లంఘనలను పర్యవేక్షించడానికి మరియు గుర్తించడానికి భద్రతా దళాలు చేస్తున్న నిరంతర ప్రయత్నాలలో భాగంగా, అబుదాబి పోలీసులు తమ వంతుగా చర్యలు తీసుకున్నట్లు తెలిపారు. 

ఇటువంటి ప్రవర్తనలు స్థానిక చట్టాలు మరియు నిబంధనలను ఉల్లంఘించడమేనని తెలిపారు. అధికారులు విడుదల చేయని ఏ ఇతర కంటెంట్‌ను ప్రచురించడం లేదా వాటిని షేర్ చేయడం వంటివి చేయరాదని కోరారు.ఇలాంటివి సమాజ భద్రతపై ప్రతికూల ప్రభావం చూపుతుందని వెల్లడించారు. 

ప్రజలు కేవలం అధికారిక వనరుల నుండి మాత్రమే సమాచారాన్ని పొందాలని, ప్రజా ప్రయోజనాలను పరిరక్షించడానికి, కార్యక్రమ స్థలాలను లేదా సంబంధిత క్లిప్‌లను ఫోటో తీయడం లేదా ప్రచురించడం చేయరాదని సూచించారు.

--శ్రీనివాస్(మాగల్ఫ్ ప్రతినిధి)