కువైట్ః కువైట్ ఎయిర్‌వేస్ విమానాల కోసం నువైసీబ్ సరిహద్దు క్రాసింగ్ ద్వారా ఒక ప్రత్యేక మార్గాన్ని కేటాయించినట్లు కువైట్ జనరల్ అడ్మినిస్ట్రేషన్ ఆఫ్ కస్టమ్స్ ప్రకటించింది. ఈ మేరకు డైరెక్టర్ జనరల్ సాద్ అల్-నువైఫ్ ఒక ప్రకటన విడుదల చేశారు. పరిశోధన, దర్యాప్తు మరియు కస్టమ్స్ పోర్ట్స్ వ్యవహారాల డిప్యూటీ డైరెక్టర్ సలేహ్ అల్-ఒమర్‌తో కలిసి నువైసీబ్ బార్డర్ లో క్షేత్రస్థాయి తనిఖీ పర్యటన సందర్భంగా ఈ మేరకు నిర్ణయించినట్లు కస్టమ్స్ విభాగం తెలిపింది.

కువైట్ ఎయిర్‌వేస్‌తో సమన్వయంతో ఈ ప్రత్యేక మార్గాన్ని ప్రవేశపెట్టినట్లు అల్-నువైఫ్ తెలిపారు. ఇది ఉత్తమ కార్యాచరణ ప్రమాణాలకు అనుగుణంగా, నిర్దేశిత ఫాస్ట్-ట్రాక్ వ్యవస్థ ద్వారా సరుకులు మరియు వాహనాల వేగవంతమైన రవాణాకు కూడా తోడ్పడుతుందని అన్నారు. ట్రక్కులు మరియు సరుకుల ప్రవేశాన్ని క్రమబద్ధీకరించడానికి, నిరీక్షణ సమయాలను తగ్గించడానికి, మరియు వాణిజ్య రవాణా ప్రవాహ సామర్థ్యాన్ని మెరుగుపరచడానికి అ పాస్ట్ ట్రాక్ రూట్ ఉపయోగపడుతుందని తెలిపారు.