కువైట్: కువైట్ లో సామాజిక సమావేశాలపై నిషేధాన్ని నేటినుంచి ఎత్తేశారు. దేశవ్యాప్తంగా వివాహాలు, పార్టీలు మరియు నాటక ప్రదర్శనలకు తిరిగి అనుమతి ఇవ్వనున్నట్లు అంతర్గత వ్యవహారాల మంత్రిత్వ శాఖ ప్రకటించింది.

ప్రస్తుతం భద్రతా పరిస్థితిపై సమగ్రంగా సమీక్షించిన తర్వాతనే నిషేధాన్ని ఎత్తివేస్తూ ఉత్తర్వులు జారీ చేసినట్లు పేర్కొంది.  సామాజిక కార్యకలాపాలను పునరుద్ధరించడం, ప్రజల భద్రతా అవసరాలను కొనసాగించడం ఈ పునఃప్రారంభం లక్ష్యమని మంత్రిత్వ శాఖ తెలిపింది.

తాజా  పరిణామాలను నిరంతరం పర్యవేక్షిస్తూ అవసరమైన చర్యలు తీసుకుంటామని వెల్లడించింది. ప్రజలందరికీ అత్యున్నత స్థాయి భద్రతను అందించడానికి సహకరించాలని ప్రజలకు మంత్రిత్వ శాఖ విజ్ఞప్తి చేసింది.