దోహా: ఖతార్ ప్రజారోగ్య మంత్రిత్వ శాఖ నేడు ప్రపంచ ఆస్తమా దినోత్సవాన్ని జరుపుకుంటోంది. ఈ సందర్భంగా అవసరమైన చికిత్సల లభ్యతను మెరుగుపరచాల్సిన ఆవశ్యకతను మంత్రిత్వ శాఖ స్పష్టం చేసింది.

ప్రపంచవ్యాప్తంగా అత్యంత సాధారణ దీర్ఘకాలిక వ్యాధులలో ఒకటైన ఆస్తమా ప్రభావాన్ని తగ్గించే లక్ష్యంతో ఖతార్ చేస్తున్న నిరంతర ప్రయత్నాలకు ఈ చొరవ అద్దం పడుతుందని ఆరోగ్య అధికారులు తెలిపారు.

మంత్రిత్వ శాఖలోని నాన్ కమ్యూనికేబుల్ వ్యాధుల నివారణ కార్యక్రమాల డైరెక్టర్ షేక్ డాక్టర్ మొహమ్మద్ బిన్ హమద్ అల్-థానీ మాట్లాడుతూ.. ఆస్తమాపై  ప్రజలకు అవగాహన కల్పిస్తున్నట్లు పేర్కొన్నారు. దీనిని ముందుగానే గుర్తించడం,  చికిత్సను క్రమం తప్పకుండా తీసుకోవడం, పేషంట్లకు  వారి కుటుంబాల నుంచి మద్దతు అందేలా చూడటం ఉంటాయని ఆయన అన్నారు. వైద్య సలహాలను పాటించాలని, వ్యాధిని ప్రేరేపించే అంశాలకు దూరంగా ఉండాలని, సూచించిన చికిత్సలను ఖచ్చితంగా పాటించాలని ఆయన ప్రజలను కోరారు. వ్యాధి ప్రభావాన్ని తగ్గించడంలో మరియు ప్రజారోగ్య ఫలితాలను మెరుగుపరచడంలో అవగాహన కీలకమని ఆయన తెలియజేశారు.

సమాజంలోని అన్ని వర్గాలను లక్ష్యంగా చేసుకుని, పలు అవగాహన కార్యక్రమాలు మరియు ఆరోగ్య కార్యక్రమాల ద్వారా ఆస్తమాను నివారించడానికి, రోగుల జీవన నాణ్యతను పెంచడానికి జాతీయ స్థాయిలో చేస్తున్న ప్రయత్నాలను విస్తరిస్తున్నామని మంత్రిత్వ శాఖ తెలిపింది. మరింత సమగ్రమైన నివారణ మరియు చికిత్సా సేవలను అందించడానికి జాతీయ ఆరోగ్య సంరక్షణ సంస్థలతో భాగస్వామ్యాలను బలోపేతం చేస్తున్నామని అధికారులు తెలిపారు.