కువైట్: కార్మికులు దేశంలోకి ప్రవేశించే ముందు ప్రజారోగ్య భద్రతలను బలోపేతం చేసేలా ఆరోగ్య మంత్రిత్వ శాఖ ప్రవాసుల కోసం తన వైద్య పరీక్షల కార్యక్రమానికి అప్డేట్ చేసిన నిబంధనలను జారీ చేసింది.

జిసిసి ఆరోగ్య మండలి అభివృద్ధి చేసిన “వాఫెడ్” కార్యక్రమాన్ని అమలు చేయాలని ఆదేశిస్తూ, ఆరోగ్య శాఖ మంత్రి డాక్టర్ అహ్మద్ అల్-అవాధి ఉత్తర్వులు జారీ చేశారు.
కువైట్ ఆరోగ్య మంత్రిత్వ శాఖ ప్రకారం.. దేశంలోకి వచ్చే కార్మికుల కోసం వైద్య పరీక్షల వ్యవస్థలను మెరుగుపరచడానికి మరియు నివారణ ఆరోగ్య విధానాలను పెంపొందించడానికి చేస్తున్న విస్తృత ప్రయత్నాలలో ఈ అప్డేట్ ఒక భాగం అని అన్నారు. ప్రజారోగ్య పరిరక్షణను బలోపేతం చేయడం మరియు దేశంలో మొత్తం ఆరోగ్య భద్రతను మెరుగుపరచడం దీని లక్ష్యమని అధికారులు తెలిపారు. 
ఈ ఫ్రేమ్‌వర్క్ ఆరోగ్య సంరక్షణ సంస్థలకు నైతిక మరియు వృత్తిపరమైన ప్రమాణాలను కూడా బలోపేతం చేస్తుందని, అన్ని ప్రక్రియలలో సమగ్రత మరియు పారదర్శకతను చెబుతుందని అధికారులు అన్నారు. వీసా మరియు నివాస జారీకి సంబంధించిన విధానాలను క్రమబద్ధీకరించే లక్ష్యంతో, ఇది వైద్య ధృవపత్రాల చెల్లుబాటును మరియు వాటి ఆమోద ప్రక్రియలను కూడా నియంత్రిస్తుంది. కువైట్‌కు రాకముందే చేపట్టే ఒక నివారణ చర్యగా "వాఫెడ్" కార్యక్రమం పనిచేస్తుందని, ప్రయాణానికి ముందు ప్రవాసులు వైద్యపరంగా ఆరోగ్యంగా ఉన్నారని ఇది నిర్ధారిస్తుందని మంత్రిత్వ శాఖ తెలిపింది. స్థానిక లేబర్ స్క్రీనింగ్ కేంద్రాల ద్వారా రెండవ సారి వైద్య పరీక్షలు నిర్వహిస్తారని తెలిపారు.