పెళ్లి చూపులు సినిమా చాలా మంది జీవితాలను మార్చేసింది. దర్శకుడు తరుణ్ భాస్కర్ క్రేజీ డైరెక్టర్ అయిపోయాడు. హీరో విజయ్ కి వరుస ఆఫర్లు వస్తున్నాయి. ఇప్పుడు హీరోయిన్ రీతు వర్మ కు కూడా. ఇదివరకు పలు చిత్రాల్లో కనిపించింది రీతు. అయితే పెళ్ళిచూపులుతోనే ఆమె ఇండస్ట్రీ దృష్టిని ప్రముఖంగా ఆకర్షించింది. ఈ సినిమావవిజయంతో కెరీర్ కొత్త టర్న్ తీసుకుంది.తాజాగా అభిషేక్ పిక్చర్స్ సంస్థలో తెరకెక్కుతున్న గూఢచారి సినిమాలో అడవి శేష్ సరసన కథానాయికగా ఎంపికైంది. రవికాంత్ పేరేపు తాను తీసిన క్షణం జంటతోనే గూఢచారి తీయాలనుకొన్నారు. కానీ చివరి నిమిషంలో హీరోయిన్ గా ఆదాశర్మని తప్పించి ఆ అవకాశాన్ని రీతూకి ఇచ్చారని తెలిసింది. ఇది కాకుండా మరో మూడు సినిమాలు కూడా ఆమె ఖాతాలోకి వెళ్ళాయి.