యూఏఈ: 2029 నాటికి యాస్ ఐలాండ్‌లోని నివాసితులు మరియు పర్యాటకులు ఒక భారీ, ప్రకాశవంతమైన స్ఫియర్ లోకి అడుగుపెట్టవచ్చు. అక్కడ దృశ్యాలు, శబ్దాలు మరియు గాలి కూడా ప్రదర్శనలో భాగమవుతాయి.

యాస్ ఐలాండ్‌లోని ఒక భారీ, ప్రకాశవంతమైన స్ఫియర్ లోకి నడుచుకుంటూ వెళ్లడాన్ని ఊహించుకోండి. అక్కడ మీ చుట్టూ ఉన్న గోడలు, శబ్దాలు మరియు గాలి కూడా ప్రదర్శనలో భాగమవుతాయి. యాస్ మాల్ మరియు సీవరల్డ్ అబుదాబి మధ్య నిర్మించబడనున్న 1.7 బిలియన్ డాలర్ల ఇమ్మర్సివ్ వినోద కేంద్రమైన స్ఫియర్ అబుదాబి వెనుక ఉన్న ఆలోచన ఇదే. ఇది యునైటెడ్ స్టేట్స్ వెలుపల నిర్మించబడుతున్న మొట్టమొదటి స్ఫియర్ వేదిక అవుతుంది.

సందర్శకులు లోపలికి అడుగుపెట్టక ముందే, ఈ వేదిక తనంతట తానుగా ఒక అద్భుత దృశ్యంగా మారుతుందని భావిస్తున్నారు. ఎక్సోస్ఫియర్ అని పిలువబడే దీని ఔట్ సైడ్, భవనం చుట్టూ చుట్టబడిన ఒక రౌండ్ LED స్క్రీన్‌గా ఉంటుంది. ఇది ఈ వేదికను యాస్ ఐలాండ్ అంతటా కనిపించే ఒక విశాలమైన డిజిటల్ కాన్వాస్‌గా మారుస్తుంది. ప్రపంచంలోనే అత్యంత గుర్తింపు పొందిన వినోద వేదికలలో ఒకటైన దీనికి స్థానిక సంస్కృతిని, సృజనాత్మకతను తీసుకువస్తూ.. ఎక్సోస్ఫియర్‌పై ఎమిరేటీ కళాకారుల కళాఖండాలను ప్రదర్శించే ప్రణాళికలు ఉన్నాయి.

2029 చివరి నాటికి నిర్మాణం పూర్తి అవుతుందని అంచనా వేస్తున్నట్లు అబుదాబి సాంస్కృతిక మరియు పర్యాటక శాఖ తెలిపింది. స్ఫియర్ అబుదాబి, యునైటెడ్ స్టేట్స్ వెలుపల మొదటి స్ఫియర్ వేదికగా మరియు ప్రపంచంలో రెండవదిగా నిలుస్తుంది.

అసలు స్ఫియర్ అంటే ఏమిటి?

స్ఫియర్ అనేది ఇమ్మర్సివ్ టెక్నాలజీ ఆధారంగా నిర్మించబడిన ఒక భారీ గోళాకార వినోద వేదిక. దీని వెలుపలి భాగం ఎక్సోస్ఫియర్ అని పిలువబడే ఒక LED డిస్‌ప్లే కాగా, లోపలి భాగం భారీ విజువల్స్, అధునాతన సౌండ్ మరియు సెన్సరీ ఎఫెక్ట్స్‌తో ప్రేక్షకులను ఆకట్టుకునేలా రూపొందించారు.   

లాస్ వెగాస్ స్ఫియర్ ఎంత పెద్దది?

స్ఫియర్ అధికారిక వెబ్‌సైట్ ప్రకారం, లాస్ వెగాస్ ఎక్సోస్ఫియర్‌లో 580,000 చదరపు అడుగుల LEDలు ఉండగా, లోపలి భాగంలో 160,000 చదరపు అడుగుల LED మీడియా ప్లేన్ మరియు బౌల్ లోపల 17,385 సీట్లు ఉన్నాయి. ఈ వేదిక అల్ట్రా-వైడ్ ఇమేజరీని మరియు పూర్తిగా లీనమయ్యే విజువల్ వాతావరణాన్ని సృష్టించడానికి కర్వుడ్ LED కాన్వాస్‌ను ఉపయోగిస్తుందని కంపెనీ వివరించింది.

ఈ లాస్ వెగాస్ వేదిక స్ఫియర్ ఇమ్మర్సివ్ సౌండ్‌ను కూడా ఉపయోగిస్తుంది. ఇది ప్రతి సీటుకు స్పష్టమైన మరియు ఒకేరకమైన ఆడియోను అందించడానికి 3D ఆడియో బీమ్-ఫార్మింగ్ మరియు వేవ్ ఫీల్డ్ సింథసిస్‌ను ఉపయోగిస్తుందని స్ఫియర్ చెబుతుంది. ఈ సిస్టమ్ ఆడియోను విభిన్నంగా వినేందుకు వీలు కల్పిస్తుంది.

స్పియర్ అబుదాబి, లాస్ వెగాస్ వేదిక అంత పెద్దదిగా ఉంటుందా?

అబుదాబిలోని ఈ వేదిక 20,000 మంది సామర్థ్యం గల లాస్ వెగాస్ స్పియర్ స్థాయిని ప్రతిబింబిస్తుందని, ఈవెంట్‌లు, ప్రదర్శనలను అందిస్తుందని DCT అధికారికంగా ప్రకటించింది. 

స్పియర్ అబుదాబి ఎలాంటి ఈవెంట్‌లను నిర్వహిస్తుంది?

అబుదాబిలోఈ వేదిక ప్రధానంగా  స్పియర్ ఎక్స్‌పీరియన్సెస్, కాన్సర్ట్ రెసిడెన్సీలు, మరియు మార్కీ మరియు బ్రాండ్ ఈవెంట్‌లను నిర్వహిస్తుంది. స్ఫియర్ ఎక్స్‌ పీరియన్సెస్ అనేవి యుద్ధ క్రీడలు, సమావేశాలు మొదలుకొని వివిధ రకాల కార్యక్రమాలను నిర్వహించవచ్చు.

అబుదాబి కార్యక్రమాలలో లాస్ వెగాస్‌లో ఉన్నటువంటి లీనమయ్యే అనుభవాలతో పాటు ఎమిరేటీ సంస్కృతి మరియు వారసత్వాన్ని తెలియజేసే కొత్త స్ఫియర్ ఎక్స్‌పీరియన్సెస్ కూడా ఉంటాయని భావిస్తున్నారు. ఈ వేదిక వెలుపల ఉండే భారీ LED స్క్రీన్ అయిన ఎక్సోస్ఫియర్‌పై ఎమిరేటీ కళాకారుల కళాఖండాలు కూడా ప్రదర్శించనున్నారు. స్ఫియర్ అబుదాబిలో జరిగే మ్యూజిక్ కాన్సర్లుల్లో స్థానిక మరియు అరబిక్ కళాకారులతో పాటు ప్రపంచ స్థాయి కళాకారులు పాల్గొంటారని వెల్లడించారు.

యాస్ ఐలాండ్ ఎందుకు ముఖ్యమైనది?

ఈ ప్రదేశం చాలా ముఖ్యమైనది. ఈ వేదిక యాస్ మాల్ మరియు సీవరల్డ్ అబుదాబి మధ్య ఉంటుంది. యాస్ ఐలాండ్‌లోని థీమ్ పార్కులు, ఆతిథ్య మౌలిక సదుపాయాలకు సమీపంలో ఏర్పాటు చేయబడుతుంది. ఇది జాయెద్ అంతర్జాతీయ విమానాశ్రయం నుండి కూడా కొద్ది ప్రయాణ దూరంలో ఉంటుంది.

స్పియర్ అబుదాబి, కేవలం ఆ వేదికపై జరిగే కార్యక్రమాల ద్వారానే కాకుండా వార్షిక ఫార్ములా 1 ఎతిహాద్ ఎయిర్‌వేస్ అబుదాబి గ్రాండ్ ప్రిక్స్ సమయంలో ప్రపంచవ్యాప్తంగా ప్రసారమయ్యే అద్భుతమైన నేపథ్యాన్ని అందించడం ద్వారా కూడా యాస్ ఐలాండ్‌ను ఒక ప్రపంచ స్థాయి ఈవెంట్స్ గమ్యస్థానంగా బలోపేతం చేస్తుందని ప్రకటించారు.

ఈ ప్రాజెక్ట్‌కు మౌలిక సదుపాయాల మద్దతు ఉంటుందా?

డిపార్ట్‌మెంట్ ఆఫ్ మునిసిపాలిటీస్‌తో సహా పలు సంస్థలతో కలిసి డిసిటి అబుదాబి పనిచేస్తుంది.వేదిక చుట్టూ ఉన్న విస్తృత మాస్టర్ ప్లాన్‌ను సమన్వయం చేయడానికి రవాణా శాఖ మరియు దాని సమీకృత రవాణా కేంద్రం, ఇంధన శాఖ, తాకా, ఎతిహాద్ రైల్ మరియు అల్దార్ కలిసి పనిచేస్తాయి. ఇందులో రహదారి డెవలప్ మెంట్, సైట్ యాక్సెస్ మరియు సైట్-వ్యాప్త మౌలిక సదుపాయాలు ఉంటాయని అబుదాబి సాంస్కృతిక మరియు పర్యాటక శాఖ ప్రకటించింది.