ఆర్ఎక్స్ 100,  మంగళవారం చిత్రాలతో భారీ బ్లాక్‌బస్టర్స్ ను అందించిన దర్శకుడు అజయ్ భూపతి, జయ కృష్ణ ఘట్టమనేనిని తెలుగు చిత్రసీమకు పరిచయం చేస్తూ 'శ్రీనివాస మంగపురం' తెరకెక్కిస్తున్నారు. ఈ చిత్రంతో బాలీవుడ్ నటి రవీనా టాండన్ కుమార్తె రాషా తడాని తెలుగు తెరకు పరిచయం అవుతున్నారు. సీనియర్ నటుడు మోహన్ బాబు పవర్ ఫుల్ విలన్ పాత్రలో నటిస్తున్నారు. పి. కిరణ్ నిర్మించి నిర్మాణంలో అశ్వినీ దత్ సమర్పిస్తున్న ఈ చిత్రం నుంచి సూపర్‌స్టార్ కృష్ణ జయంతి సందర్భంగా యాక్షన్ టీజర్‌ను విడుదల చేశారు.

ఇప్పటివరకు విడుదలైన ప్రమోషనల్ కంటెంట్ సినిమా పాత్రలు, ప్రపంచాన్ని పరిచయం చేయగా, తాజా టీజర్ మాత్రం పూర్తిగా యాక్షన్, ఆటిట్యూడ్‌తో ఆకట్టుకుంది. జయకృష్ణ ఘట్టమనేని కాన్ఫిడడెంట్ గా విలన్స్ ని సవాల్ చేస్తూ, భారీ యాక్షన్ సన్నివేశాల్లో అలరించారు. టీజర్ చివర్లో సూపర్ స్టార్ కృష్ణకు నివాళిగా రూపొందించిన సన్నివేశం ప్రత్యేక ఆకర్షణగా నిలిచి, భావోద్వేగాన్ని పెంచింది.

ఈ టీజర్‌తో జయకృష్ణను మాస్ యాక్షన్ హీరోగా ప్రజెంట్ చేశారు. ఆయన ఫిజిక్, అగ్రెసివ్ బాడీ లాంగ్వేజ్, యాక్షన్ సీక్వెన్స్‌లలో చూపిన ఈజ్ ప్రత్యేకంగా ఆకట్టుకుంటాయి. రా అండ్ రగ్డ్ లుక్ ఆయన స్క్రీన్ ప్రెజెన్స్‌ను మరింత బలంగా నిలబెట్టింది.

అజయ్ భూపతి ఓ కమర్షియల్ ఎంటర్‌టైనర్‌కు కావాల్సిన అన్ని అంశాలను ఈ చిత్రంలో జోడించినట్లు టీజర్ ద్వారా స్పష్టమవుతోంది. భారీ స్థాయిలో తెరకెక్కించిన యాక్షన్ ఎపిసోడ్స్‌కు సినిమాటోగ్రాఫర్ జయకృష్ణ ISC అందించిన విజువల్స్ మరింత గ్రాండియర్ తీసుకొచ్చాయి. జీవీ ప్రకాష్ కుమార్ అందించిన ఎనర్జిటిక్ బ్యాక్‌గ్రౌండ్ స్కోర్ టీజర్‌ను మరో స్థాయికి తీసుకెళ్లింది.

ఈ చిత్రానికి మాధవ్ కుమార్ గుల్లపల్లి ఎడిటర్‌గా, సాహి సురేష్ ప్రొడక్షన్ డిజైనర్‌గా, రియల్ సతీష్ యాక్షన్ కొరియోగ్రాఫర్‌గా పనిచేస్తున్నారు.

‘శ్రీనివాస మంగాపురం’ విడుదల తేదీని త్వరలో ప్రకటించనున్నారు.

నటీనటులు: జయకృష్ణ ఘట్టమనేని, రాషా తాడాని, మోహన్ బాబు

సాంకేతిక సిబ్బంది:
రచన & దర్శకత్వం: అజయ్ భూపతి
సమర్పణ: అశ్విని దత్
నిర్మాత: పి.కిరణ్
బ్యానర్: చందమామ కథలు
సంగీతం: జివి ప్రకాష్ కుమార్
DOP: జయకృష్ణ ISC
ఎడిటర్: మాధవ్ కుమార్ గుళ్లపాటి
ప్రొడక్షన్ డిజైనర్: సాహి సురేష్
ఎగ్జిక్యూటివ్ ప్రొడ్యూసర్: సాకమూరి నారాయణ స్వామి
ఫైట్స్: రియల్ సతీష్
PRO: వంశీ-శేఖర్