రియాద్: కింగ్ ఫైసల్ స్పెషలిస్ట్ హాస్పిటల్ అండ్ రీసెర్చ్ సెంటర్.. ఇటీవల జరిగిన వరల్డ్ స్ట్రోక్ ఆర్గనైజేషన్ (WSO) అవార్డులలో డైమండ్ హోదాను సంపాదించింది.  విజన్ 2030 కింద అధునాతన ఆరోగ్య సంరక్షణ, వైద్య పరిశోధన మరియు ఆవిష్కరణలకు ప్రాంతీయ కేంద్రంగా తన స్థానాన్ని బలోపేతం చేసుకోవడానికి సౌదీ అరేబియా ప్రయత్నిస్తున్న తరుణంలో ఈ తాజా గుర్తింపు లభించిందని వెల్లడించారు.

స్ట్రోక్ సంరక్షణలో అధునాతన అంతర్జాతీయ ప్రమాణాలను అందుకున్నందుకు, ఆసుపత్రిలోని న్యూరోసైన్స్ సెంటర్ ఆఫ్ ఎక్సలెన్స్‌కు ఈ పురస్కారం లభించిందని KFSH తన వెబ్‌సైట్‌లో పేర్కొంది. స్ట్రోక్ రోగులలో కనీసం 75 శాతానికి 60 నిమిషాలలోపు రక్తం గడ్డలను కరిగించే చికిత్సను అందిస్తున్నందుకు ఈ ఆసుపత్రిని WSO గుర్తించింది.

ఇదిలా ఉండగా, మిడిలీస్టులో మొట్టమొదటి మొబైల్ స్ట్రోక్ యూనిట్‌ను ప్రారంభించినట్లు KFSH తెలిపింది.  ఈ యూనిట్.. రోగి ఉన్న ప్రదేశంలోనే రోగ నిర్ధారణ మరియు చికిత్సను ప్రారంభించడానికి, ఆసుపత్రికి తరలించే సమయంలో కూడా దానిని కొనసాగించడానికి వీలు కల్పిస్తుంది. దీనివల్ల, స్ట్రోక్ సంబంధిత సమస్యలను మరింత తీవ్రతరం చేసే జాప్యాలు తగ్గుతాయన్నారు.   

బ్రాండ్ ఫైనాన్స్ ద్వారా వరుసగా నాలుగో సంవత్సరం కూడా సౌదీ అరేబియా మిడిలీస్టులో అత్యంత విలువైన ఆరోగ్య సంరక్షణ బ్రాండ్‌గా పేరు పొందింది, దీని బ్రాండ్ విలువ $1.7 బిలియన్లకు పైగా ఉంది.