దోహా: ఖతార్ నేషనల్ డిజిటల్ ఇండెక్స్ ను ప్రారంభించింది. వివిధ వర్గాలు మరియు వృత్తిపరమైన రంగాలలో డిజిటల్ భద్రతపై అవగాహనను, సైబర్‌సెక్యూరిటీ పరిజ్ఞానాన్ని అందించడమే లక్ష్యంగా ఖతార్‌లో మొట్ట మొదటిసారిగా దీనిని జాతీయ సైబర్ భద్రతా సంస్థ (NCSA) ప్రారంభించింది.

సైబర్‌సెక్యూరిటీ వ్యవస్థను బలోపేతం చేయడంతోపాటు సురక్షితమైన, మరింత పటిష్టమైన డిజిటల్ సమాజాన్ని ప్రోత్సహించడానికి ఏజెన్సీ చేస్తున్న విస్తృత ప్రయత్నాలలో ఈ కొత్త ఇండెక్స్ ఒక భాగమని తెలిపింది. డిజిటల్ భద్రతా సూత్రాలు, సైబర్‌సెక్యూరిటీ ప్రమాదాలు మరియు బాధ్యతాయుతమైన ఆన్‌లైన్ ప్రవర్తనపై ప్రజల అవగాహనను కల్పించడానికి, అదే సమయంలో అవగాహన స్థాయిని తెలసుకోవడానికి నేషనల్ డిజిటల్ ఇండెక్స్ ఒక వ్యూహాత్మక సాధనంగా ఉపయోగపడుతుందని NCSA వెల్లడించింది.