మనామా: నీటి వృధాను అరికట్టడం నుండి స్మార్ట్ నగరాలు నుంచి రోబోట్‌లను రూపొందించడం వరకు షేక్ ఖలీఫా బిన్ సల్మాన్ ఇన్‌స్టిట్యూట్ ఆఫ్ టెక్నాలజీ విద్యార్థులు ఆవిష్కరణలకు వయోపరిమితి లేదని నిరూపిస్తున్నారు.

2025/2026 విద్యా సంవత్సర కార్యకలాపాలలో భాగంగా విద్యార్థులు రోజువారీ సమస్యలను పరిష్కరించడం లక్ష్యంగా సాంకేతికత ఆధారిత ప్రాజెక్టులను ప్రదర్శించారు.    

విద్యార్థులు ఖాసిం ఇస్సా మాలౌద్ మరియు సల్మాన్ హమద్ అల్-జజాఫ్ అభివృద్ధి చేసిన స్మార్ట్ వాటర్ ట్యాంక్ నియంత్రణ వ్యవస్థ ఒక ప్రత్యేక ఆకర్షణగా నిలిచింది. ఈ వ్యవస్థ సెన్సార్లను ఉపయోగించి నీటి మట్టాలను పర్యవేక్షిస్తుంది. ట్యాంకులు పొంగిపొర్లక ముందే పంపులను ఆటోమెటిక్ గా ఆఫ్ చేస్తుంది.  నీరు ప్రమాదకర స్థాయికి చేరుకున్నప్పుడు ఇది హెచ్చరికలను కూడా పంపుతుంది.  తద్వారా వృధాను తగ్గించి, విలువైన వనరులను పరిరక్షించడంలో సహాయపడుతుందని అధికారులు తెలిపారు.  

సెన్సార్లను ఉపయోగించి ఖాళీగా ఉన్న మరియు నిండి ఉన్న పార్కింగ్ స్థలాలను తక్షణమే గుర్తించగల ఒక స్మార్ట్ పార్కింగ్ వ్యవస్థను మరో బృందం పరిచయం చేసింది. ఈ ఆవిష్కరణ డ్రైవర్లు మరింత త్వరగా పార్కింగ్ కనుగొనడానికి, రద్దీని తగ్గించడానికి మరియు పార్కింగ్ నిర్వహణను మరింత సమర్థవంతంగా చేయడానికి సహాయపడుతుంది.

భవిష్యత్తును మరింతగా దృష్టిలో ఉంచుకుని, విద్యార్థులు హదీ జకారియా అల్-మటౌఖ్ మరియు అహ్మద్ అబ్దుల్లా అబ్దుల్-హదీ, ఆర్టిఫిషియల్ ఇంటెలిజెన్స్ మరియు ఇంటర్నెట్ ఆఫ్ థింగ్స్ టెక్నాలజీతో పనిచేసే "గల్ఫ్ టెక్" అనే ఒక నమూనా స్మార్ట్ సిటీని రూపొందించారు. సామర్థ్యాన్ని మరియు సుస్థిరతను మెరుగుపరుస్తూనే, పర్యావరణ, ఆరోగ్య మరియు పట్టణ వ్యవస్థలను పర్యవేక్షించడానికి సాంకేతికతను ఎలా ఉపయోగించవచ్చో ఈ ప్రాజెక్ట్ ప్రదర్శిస్తుంది. ఈ ప్రాజెక్టులు బహ్రెయిన్ యువ ఆవిష్కర్తల సృజనాత్మకతను, ప్రతిభను చాటిచెబుతున్నాయి.