మస్కట్: ఒమన్ లో వినియోగదారుల రక్షణ చట్టం మరియు దాని నిబంధనలను ఉల్లంఘించిన ఒక వాణిజ్య సంస్థను అధికారులు సీజ్ చేశారు.  బార్కాలోని వినియోగదారుల రక్షణ విభాగం పబ్లిక్ ప్రాసిక్యూషన్‌తో కలిసి మహిళల టైలరింగ్ సేవలు అందించే ఒక సంస్థను తాత్కాలికంగా మూసివేసింది. ఆ సంస్థపై దాఖలైన ఫిర్యాదుల పరిష్కారం పూర్తయ్యే వరకు దాని కార్యకలాపాలను నిలిపివేయాలని ఆదేశించింది.

ఒప్పందం ప్రకారం సేవలను అందించడంలో ఆ సంస్థ విఫలమైందని వినియోగదారుల నుండి అందిన అనేక ఫిర్యాదుల ఆధారంగా ఈ చర్యలు తీసుకున్నారు. ఇప్పటికే అనేక పర్యాయాలు నోటీసులు జారీ చేసినా, వారు గైర్హాజరయ్యారని అధికారులు పేర్కొన్నారు.  

అలాగే ఆ సంస్థపై నమోదైన కేసులను పబ్లిక్ ప్రాసిక్యూషన్‌కు బదిలీ చేయనున్నారు.  ఈ సందర్భంగా వినియోగదారుల రక్షణకు సంబంధించిన చట్టాలు, నిబంధనలను పాటించాలని అన్ని వాణిజ్య సంస్థలకు పిలుపునిచ్చారు.