జెడ్డా: రబీగ్ గవర్నరేట్ తీరంలో ఎడుగురిని భద్రతా దళాలు రక్షించాయి. సముద్రంలో ప్రయాణిస్తున్నప్పుడు వారి నౌకలో సాంకేతిక లోపం తలెత్తి ఆగిపోయింది. సమాచారం అందుకున్న మక్కా సరిహద్దు రక్షక దళానికి చెందిన సహాయక బృందాలు ఏడుగురిని గుర్తించి విజయవంతంగా రక్షించాయి.

రెస్క్యూ చేసిన వారిలో ఆరుగురు సౌదీ పౌరులు మరియు ఒక ఈజిప్టు నివాసి ఉన్నారని సరిహద్దు రక్షక దళ జనరల్ డైరెక్టరేట్ పేర్కొంది. సముద్ర ప్రయాణంలో భద్రతా నిబంధనలు మరియు సూచనలను ఖచ్చితంగా పాటించాలని డైరెక్టరేట్ సూచించింది. 

నౌకలను తరచూ చెక్ చేసుకోవాలని, అన్ని వేళలా లైఫ్ జాకెట్లు ధరించాలని మరియు అత్యవసర పరిస్థితుల్లో సహాయం కోసం మక్కా, మదీనా మరియు తూర్పు ప్రావిన్స్‌ లో 911 అత్యవసర నంబర్‌కు లేదా ఇతర ప్రాంతాలలో 994 నంబర్‌ లో సంప్రదించాలని డైరెక్టరేట్ కోరింది.