సలాలా: సలాలాలోని విలాయత్‌లో అల్ ముగ్‌సైల్ రోడ్ మరియు బ్రిడ్జి నిర్మాణ ప్రాజెక్ట్ 85 శాతాం పూర్తయింది. జూలై ప్రారంభంలో వాహనాలకు అనుమతించనున్నారు.  ఇది ట్రాఫిక్ సామర్థ్యాన్ని మెరుగుపరుస్తుందని, ముఖ్య పర్యాటక ప్రాంతాలకు యాక్సెస్‌ను అందిస్తుందని, అదే సమయంలో ధోఫర్ గవర్నరేట్‌లో లాజిస్టికల్ కనెక్టివిటీని బలోపేతం చేస్తుందని రవాణా, కమ్యూనికేషన్స్ మరియు ఇన్ఫర్మేషన్ టెక్నాలజీ మంత్రిత్వ శాఖ అండర్ సెక్రటరీ ఖమీస్ మొహమ్మద్ అల్ షమ్మఖీ తెలిపారు.  

ఈ ప్రాజెక్ట్‌ లో సుమారు 500 మీటర్ల పొడవున్న కాంక్రీట్ బ్రిడ్జి, 20 పిల్లర్లు మరియు 12 మీటర్ల ఎత్తులో రెండు సైడ్ అబ్ట్‌మెంట్‌ల సపోర్ట్ ఉందని ఆయన వివరించారు. ఇది అల్ ముగ్‌సైల్ వాటర్‌ఫ్రంట్, మర్నీఫ్ కేవ్ మరియు సహజ ఫౌంటైన్‌లతో సహా సమీపంలోని పర్యాటక ప్రదేశాలకు యాక్సెస్‌ను సులభతరం చేయడంతోపాటు అండర్ గ్రౌండ్ టన్నెల్ ప్రత్యేక ఆకర్షణగా నిలుస్తుందని ఆయన తెలిపారు.