రియాద్: సౌదీ భద్రతా అధికారులు జూన్ 4 మరియు జూన్ 10 మధ్య మొత్తం 10,725 మంది అక్రమ నివాసితులను అరెస్టు చేశారు.  అరెస్టు అయిన వారిలో నివాస చట్టాన్ని ఉల్లంఘించిన వారు 5,899 మంది, సరిహద్దు భద్రతా చట్టాన్ని ఉల్లంఘించిన వారు 3,084 మంది మరియు కార్మిక చట్టాన్ని ఉల్లంఘించిన వారు 1,742 మంది ఉన్నారని అంతర్గత వ్యవహారాల మంత్రిత్వ శాఖ తెలిపింది. మొత్తం 7,989 మంది అక్రమ నివాసితులను బహిష్కరించినట్లు పేర్కొంది. అలాగే ప్రయాణ పత్రాలను పొందడానికి 14,268 మంది ఉల్లంఘనదారులను వారి దౌత్య కార్యాలయాలకు మరియు ప్రయాణ రిజర్వేషన్లను పూర్తి చేయడానికి 1,240 మందిని సంబంధిత విభాగాలకు పంపినట్లు పేర్కొంది.
చట్ట ఉల్లంఘనదారులకు రవాణా, ఆశ్రయం మరియు ఉపాధి కల్పించిన 18 మందిని కూడా అరెస్టు చేసినట్లు తెలిపింది. అక్రమ నివాసితులకు సాయం చేసేవారికి 15 సంవత్సరాల వరకు జైలు శిక్ష మరియు 1 మిలియన్ సౌదీ రియాల్స్ (SR) వరకు జరిమానా విధించబడుతుందని హెచ్చిరంచింది. మక్కా, రియాద్ మరియు తూర్పు ప్రావిన్స్ ప్రాంతాలలో ని 911 నంబర్కు, మిగిలిన ప్రాంతాలలో 999 మరియు 996 నంబర్లకు కాల్ చేసి నిబంధనలు ఉల్లంఘించిన వారి వివరాలు తెలియజేయాలని మంత్రిత్వ శాఖ ప్రజలను కోరింది.