యూఏఈ: యూఏఈ మరియు ఖతార్‌ లు లక్ష్యంగా తప్పుదోవ పట్టించే మీడియా కథనాలను అరబ్ పార్లమెంట్ మరియు గల్ఫ్ సహకార మండలి (జీసీసీ) తీవ్రంగా ఖండించింది. ఇలాంటి నిరాధారమైన ఆరోపణలు ప్రాంతీయ స్థిరత్వం, శాంతి స్థాపన మరియు అంతర్జాతీయ దౌత్య ప్రయత్నాలను దెబ్బతీస్తాయని ఒక ప్రకటనలో ఆందోళన వ్యక్తం చేశాయి.

యూఏఈ మరియు ఖతార్‌లను లక్ష్యంగా చేసుకుని దురుద్దేశపూర్వక మీడియా ఆరోపణలను మరియు ఆధారాలు లేని సమాచారాన్ని జీసీసీ సెక్రటరీ జనరల్ జాసెమ్ మొహమ్మద్ అల్బుదైవి తీవ్రంగా ఖండించారు. ఈ ఆరోపణలు, ప్రాంతీయ మరియు అంతర్జాతీయ భద్రత మరియు స్థిరత్వానికి మద్దతు ఇవ్వడంలో వారి నిర్మాణాత్మక పాత్రపై సందేహాలు కలిగించేలా ఉన్నాయని అన్నారు. 

ఈ సందర్భంగా జీసీసీ, అరబ్ పార్లమెంట్ యూఏఈ మరియు ఖతార్‌లకు తమ మద్దతును పునరుద్ఘాటించాయి. ప్రాంతీయ స్థిరత్వం లేదా దౌత్య సంబంధాలను దెబ్బతీసేలా ధృవీకరించని కథనాలను ప్రచురించ వద్దని సూచించాయి. 

ప్రస్తుత సంక్షోభాలను పరిష్కరించడానికి మరియు అభివృద్ధి, శాంతి పునాదులను బలోపేతం చేయడానికి అరబ్ దేశాల మధ్య మెరుగైన సహకారం, సంఘీభావం అవసరమైన ప్రస్తుత తరుణంలో, ఇటువంటి కథనాలు ఈ ప్రాంత ప్రజల ప్రయోజనాలకు దోహదపడవని, గందరగోళాన్ని వ్యాప్తి చేయడానికి మరియు వాస్తవాలను వక్రీకరించడానికి తోడ్పడతాయని అరబ్ పార్లమెంట్ స్పీకర్ మొహమ్మద్ బిన్ అహ్మద్ అల్ యమాహి ఆందోళన వ్యక్తం చేశారు.  మీడియా తప్పుడు ప్రచారాలను మరియు విభజన సృష్టించే ప్రయత్నాలను అరబ్ పార్లమెంట్ గట్టిగా తిరస్కరిస్తుందని అల్ యమాహి స్పష్టం చేశారు.