రియాద్: డ్రైవ్‌షాఫ్ట్ బోల్ట్‌ల అమరికలో ఉన్న లోపం కారణంగా, 2024-2026 మోడల్ సంవత్సరాలకు చెందిన 1,169 'లూసిడ్ ఎయిర్ ప్యూర్' వాహనాలను వెనక్కి పిలిపిస్తున్నట్లు వాణిజ్య మంత్రిత్వ శాఖ ప్రకటించింది. ఈ లోపం వల్ల వాహనం నడుపుతున్నప్పుడు డ్రైవ్‌షాఫ్ట్ విడిపోయే ప్రమాదం ఉందని, దీనివల్ల వాహనం అకస్మాత్తుగా నిలిచిపోవచ్చని.. ఇది ప్రమాదాల ముప్పును పెంచడమే కాకుండా, భద్రతాపరమైన ముప్పును కలిగిస్తుందన్నారు.
ప్రభావిత వాహనాల యజమానులు http://Recalls.sa వెబ్‌సైట్ ద్వారా తమ వాహన గుర్తింపు సంఖ్యలు (VIN) ఈ జాబితాలో ఉన్నాయో లేదో సరిచూసుకోవాలని మంత్రిత్వ శాఖ సూచించింది. అలాగే, అవసరమైన మరమ్మతులను ఉచితంగా చేయించుకోవడానికి అధికారిక డీలర్ అయిన 'లూసిడ్ మోటార్స్' (Lucid Motors)ను 8001111030 అనే టోల్-ఫ్రీ నంబర్ ద్వారా సంప్రదించాలని యజమానులకు సూచించింది.