దోహా: ఖతార్ లో నిబంధనలు పాటించని 17 ట్రావెల్, ఎయిర్ కార్గో ఏజెన్సీలను మూసివేశారు. ఎయిర్ కార్గొపై పర్యవేక్షణను బలోపేతం చేయడం, ఆమోదించబడిన చట్టాలు మరియు నిబంధనలకు అనుగుణంగా ఉండేలా చూడటం లక్ష్యంగా కొనసాగుతున్న తనిఖీ ప్రచారాలలో భాగంగా, ఆయా ఏజెన్సీలను మూసివేస్తున్నట్లు ఖతార్ పౌర విమానయాన అథారిటీ (QCAA)  ప్రకటించింది. తాజా తనిఖీల సందర్భంగా నిబంధనలు పాటించని ఏజెన్సీలను గుర్తించి, చర్యలు తీసుకుంటున్నట్లు తెలిపింది.

ఈ రంగంలో పనిచేస్తున్న అన్ని సంస్థలు కచ్చితంగా సంబంధిత చట్టాలను, వాటిల్లోని నిబంధనలను పాటించాలని సూచించింది. ట్రావెల్ మరియు  ఎయిర్ కార్గో ఏజెన్సీలు ఏవైనా కార్యకలాపాలు చేపట్టే ముందు అవసరమైన లైసెన్సులను పొందాలని అథారిటీ స్పష్టం చేసింది. నిబంధనలను ఉల్లంఘించే ఏజెన్సీలపై కఠిన చర్యలు తీసుకుంటామని హెచ్చరించింది.