రియాద్: జెడ్డాలో 12 లైసెన్సు లేని నీటి బాట్లింగ్ ప్లాంట్లను వాణిజ్య మంత్రిత్వ శాఖ మూసివేసింది. ఉల్లంఘనలకు పాల్పడిన వారిని అరెస్టు చేశారు. ఎనిమిది ప్రభుత్వ ఏజెన్సీల సమన్వయంతో, తనిఖీ బృందాలు ఈ ప్లాంట్లలో ప్రజారోగ్యానికి తీవ్రమైన ప్రమాదాలను కలిగించే తీవ్రమైన ఉల్లంఘనలను గుర్తించాయి. పబ్లిక్ వాటర్ నెట్‌వర్క్ నుండి అనధికారికంగా నీటిని తీసుకోవడం, లైసెన్సు పొందిన సంస్థలకు చెందిన కంటైనర్లలోకి నీటిని చట్టవిరుద్ధంగా బాట్లింగ్ చేయడం వంటి ఉల్లంఘనలను నమోదు చేశారు.
ఆపరేటర్లు తమ కార్యకలాపాలకు ముసుగుగా బాటిల్ నీటి అమ్మకాలు మరియు రిటైల్ లైసెన్సులను వాడుకుంటున్నారని విచారణలో గుర్తించారు. అలాగే, ఆరోగ్య నిబంధనలు మరియు అవసరాలకు అనుగుణంగా లేని ఉత్పత్తులను మార్కెట్లకు తరలించి లాభాలను పొందుతున్నట్లు నిందితులపై కేసులు నమోదుచేశారు.అదే విధంగా వాణిజ్యపరమైన గోప్యత, లైసెన్సు లేకుండా కార్యకలాపాలు నిర్వహించడం, ట్యాక్స్ ఇన్వాయిస్‌లు జారీ చేయకపోవడం, కార్మిక నిబంధనలను పాటించకపోవడం మరియు నీటి నెట్‌వర్క్ అవసరాలను ఉల్లంఘించడం వంటి అనేక నేరాలు మరియు ఉల్లంఘనలు నమోదు చేసినట్టు వాణిజ్య మంత్రిత్వ శాఖ తెలిపింది.