టెహ్రాన్: అమెరికా అధ్యక్షుడు డొనాల్డ్ ట్రంప్ సంతకం చేసిన ఒప్పందాలకు ఎలాంటి విలువ లేదని ఇరాన్ సుప్రీం లీడర్ మొజ్తబా అలీ ఖమేనీ తీవ్ర వ్యాఖ్యలు చేశారు. టెహ్రాన్‌తో కుదుర్చుకున్న అవగాహన ఒప్పందాన్ని (MoU) అమెరికా పదేపదే ఉల్లంఘించడం ద్వారా ట్రంప్ సంతకం "విలువలేనిదిగా" మరోసారి నిరూపితమైందని శనివారం ఆయన అన్నారు.

అమెరికా ఒప్పందాన్ని ఉల్లంఘించడం ద్వారా ఆ దేశాన్ని నమ్మలేమనే విషయం మరోసారి స్పష్టమైందని ఖమేనీ పేర్కొన్నారు. ఈ చర్యలతో అమెరికా తన "నిజ స్వరూపాన్ని" బయటపెట్టిందని, వాషింగ్టన్‌ వ్యవహారం అమెరికా నిజాయితీ లేని, నమ్మకానికి అర్హతలేని దేశమనే విషయానికి మరింత బలమైన ఆధారంగా నిలిచిందని ఆయన విమర్శించారు.

అమెరికా సైనిక ఉద్రిక్తతలను మరింత పెంచే ప్రయత్నాలు కొనసాగించి, దాని పరిణామాలను భరించేందుకు సిద్ధమైతే, "ఇరాన్ ప్రజలు మరియు యాక్సిస్ ఆఫ్ రెసిస్టెన్స్ అమెరికాకు ఎప్పటికీ మరువలేని పాఠాలు నేర్పుతాయి" అని ఖమేనీ హెచ్చరించారు.

ఈ వ్యాఖ్యలు ఇరాన్-అమెరికా మధ్య కొనసాగుతున్న ఉద్రిక్తతల నేపథ్యంలో ప్రాధాన్యత సంతరించుకున్నాయి. ప్రాంతీయ పరిస్థితులు మరింత ఉద్రిక్తంగా మారుతున్న వేళ ఇరాన్ అత్యున్నత నాయకత్వం చేసిన ఈ హెచ్చరికలు అంతర్జాతీయంగా చర్చనీయాంశంగా మారాయి.