మనామా: బహ్రెయిన్‌పై ఇరాన్ చేపట్టిన పలువురు క్షిపణి, డ్రోన్ దాడులను తమ వైమానిక రక్షణ వ్యవస్థలు విజయవంతంగా అడ్డుకుని ధ్వంసం చేశాయని బహ్రెయిన్ రక్షణ దళాల (BDF) జనరల్ కమాండ్ ప్రకటించింది.

బహ్రెయిన్ న్యూస్ ఏజెన్సీ (BNA) వెల్లడించిన వివరాల ప్రకారం, ఇరాన్ పౌరులను లక్ష్యంగా చేసుకుని చట్టవిరుద్ధంగా క్షిపణులు, డ్రోన్లతో దాడులు కొనసాగిస్తోందని జనరల్ కమాండ్ తీవ్ర ఆందోళన వ్యక్తం చేసింది. ఇటువంటి చర్యలు ప్రాంతీయ భద్రతకు ముప్పుగా మారుతున్నాయని పేర్కొంది.

పౌరులు, వ్యక్తిగత ఆస్తులను ఉద్దేశపూర్వకంగా లక్ష్యంగా చేసుకుని క్షిపణులు, డ్రోన్లతో దాడులు చేయడం అంతర్జాతీయ మానవతా చట్టాలకు స్పష్టమైన ఉల్లంఘన అని బహ్రెయిన్ రక్షణ దళాలు పేర్కొన్నాయి.

దేశ భద్రతను కాపాడేందుకు అవసరమైన అన్ని చర్యలు కొనసాగుతున్నాయని, ప్రజలు అధికారిక వర్గాలు విడుదల చేసే సూచనలు, సమాచారం మాత్రమే నమ్మాలని బహ్రెయిన్ అధికారులు విజ్ఞప్తి చేశారు. ప్రస్తుతం పరిస్థితిని సంబంధిత భద్రతా సంస్థలు నిరంతరం పర్యవేక్షిస్తున్నట్లు వెల్లడించారు.