క్రికెట్ అభిమానులు ఎప్పుడెప్పుడా అని ఎదురుచూస్తున్న ప్రపంచ టెస్ట్ ఛాంపియన్‌షిప్ (WTC) ఫైనల్‌-2027 వేదిక మరియు తేదీలను అంతర్జాతీయ క్రికెట్ కౌన్సిల్ (ICC) అధికారికంగా ప్రకటించింది. ఈ ప్రతిష్టాత్మక తుది పోరు 2027, జూన్ 9 నుండి 13 వరకు లండన్‌లోని చారిత్రాత్మక ‘ది ఓవల్’ (The Oval) మైదానంలో జరగనుంది.దీనితో పాటు, రాబోయే 2029 మరియు 2031 డబ్ల్యూటీసీ ఫైనల్ మ్యాచ్‌లకు కూడా ఇంగ్లాండ్‌నే ఆతిథ్య దేశంగా ఐసీసీ ఖరారు చేసింది.

ఫైనల్ బెర్త్ కోసం 9 జట్ల తీవ్ర పోటీ
డబ్ల్యూటీసీ 2025-27 సైకిల్‌లో భాగంగా ఫైనల్ రేసులో నిలిచేందుకు మొత్తం 9 ప్రధాన టెస్టు జట్లు తీవ్రంగా శ్రమిస్తున్నాయి. ఈ క్రమంలో ఫైనలిస్టులను తేల్చేందుకు పలు కీలక ద్వైపాక్షిక సిరీస్‌లు జరగనున్నాయి:

• భారత్ vs శ్రీలంక
• ఆస్ట్రేలియా vs బంగ్లాదేశ్
• పాకిస్థాన్ vs ఇంగ్లాండ్
• వెస్టిండీస్ vs పాకిస్థాన్

ఈ సిరీస్‌ల ఫలితాలు పాయింట్ల పట్టికలో అగ్రస్థానాలను శాసించనున్నాయి.

WTC Final 2027 Dates: డబ్ల్యూటీసీ ఫైనల్ ముగిసిన వెంటనే ‘యాషెస్’ సమరం
టెస్టు క్రికెట్ ప్రేమికులకు 2027 వేసవి మరింత వినోదాన్ని పంచనుంది. జూన్ 13న డబ్ల్యూటీసీ ఫైనల్ ముగిసిన వెంటనే, జూన్ 18, 2027 నుండి ఇంగ్లాండ్ మరియు ఆస్ట్రేలియా జట్ల మధ్య ప్రతిష్టాత్మక ‘యాషెస్ సిరీస్’ (The Ashes) ప్రారంభం కానుంది.ఈ బ్యాక్-టు-బ్యాక్ హై-వోల్టేజ్ టెస్టు మ్యాచ్‌లతో 2027 సమ్మర్ క్రికెట్ సీజన్ రసవత్తరంగా మారనుంది.