కువైట్ సిటీ: కువైట్‌లోని ఖైతాన్ ప్రాంతంలో ఆహార భద్రత తనిఖీల సందర్భంగా మానవ వినియోగానికి పనికిరాని 61.23 కిలోల చేపలను పబ్లిక్ అథారిటీ ఫర్ ఫుడ్ అండ్ న్యూట్రిషన్ (PAFN) అధికారులు స్వాధీనం చేసుకుని ధ్వంసం చేశారు. తనిఖీలలో భాగంగా వినియోగానికి పనికిరాని ఆహార పదార్థాలను విక్రయించడం, కల్తీ ఆహార ఉత్పత్తులను పంపిణీ చేయడం వంటి ఉల్లంఘనలకు పాల్పడిన పలు ఆహార సంస్థలపై కేసులు నమోదు చేసి నోటీసులు జారీ చేశారు.

ఆహార భద్రతా నిబంధనల అమలును కట్టుదిట్టం చేయడం, ఆహార వ్యాపార సంస్థలపై నిరంతర పర్యవేక్షణ కొనసాగించడం, వినియోగదారుల ఆరోగ్యాన్ని పరిరక్షించడం లక్ష్యంగా ఈ ప్రత్యేక తనిఖీ కార్యక్రమాన్ని చేపట్టినట్లు పబ్లిక్ అథారిటీ ఫర్ ఫుడ్ అండ్ న్యూట్రిషన్ వెల్లడించింది.