దోహా: ఖతార్ రవాణా మంత్రిత్వ శాఖ (Ministry of Transport) దేశంలోని అన్ని రకాల నౌకలు, ఓడల కోసం సముద్ర రవాణా కార్యకలాపాలను జూలై 26  నుంచి పూర్తిస్థాయిలో పునరుద్ధరిస్తున్నట్లు ప్రకటించింది. దీంతో గతంలో అమల్లో ఉన్న సముద్ర ప్రయాణ పరిమితులు పూర్తిగా ఎత్తివేసినట్లు పేర్కొంది.  

నౌకల యజమానులు, నిర్వాహకులు అమల్లో ఉన్న సముద్ర నిబంధనలు, భద్రతా మార్గదర్శకాలను తప్పనిసరిగా పాటించాలని మంత్రిత్వ శాఖ సూచించింది. అలాగే ప్రయాణానికి ముందు, ప్రయాణ సమయంలో అవసరమైన అన్ని భద్రతా, రక్షణ పరికరాలు నౌకలో ఉండేలా చూసుకోవాలని సూచించింది. ప్రయాణికులు మరియు సిబ్బంది భద్రతకు అత్యంత ప్రాధాన్యం ఇవ్వాలని అధికారులు స్పష్టం చేశారు.