దోహా: ఖతార్ ఎయిర్వేస్ బహ్రెయిన్, కువైట్, ఇరాక్‌లోని ఎర్బిల్ నగరాలకు తమ విమాన సర్వీసుల తాత్కాలిక నిలిపివేతను ఆగస్టు 7 వరకు పొడిగించింది. ఈ విషయాన్ని జాతీయ విమానయాన సంస్థ తన అధికారిక వెబ్‌సైట్‌లో ప్రకటించింది. గతంలో జూలై 24న బహ్రెయిన్, కువైట్, ఎర్బిల్‌కు విమాన సర్వీసులను నిలిపివేస్తున్నట్లు ఖతర్ ఎయిర్వేస్ ప్రకటించింది. తాజా నిర్ణయంతో ఆ సస్పెన్షన్‌ను ఆగస్టు 7 వరకు కొనసాగించాలని సంస్థ నిర్ణయించింది. ప్రయాణికులు తమ ప్రయాణానికి సంబంధించిన తాజా సమాచారం కోసం ఖతార్ ఎయిర్వేస్ అధికారిక వెబ్‌సైట్ లేదా కస్టమర్ సర్వీస్‌ను సంప్రదించాలని సూచించింది