గ్లాస్గో: స్కాలాండ్‌లోని గ్లాస్గో వేదికగా జరుగుతున్న కామన్వెల్త్ గేమ్స్ 2026 (CWG 2026)లో భారత బాక్సర్లు ఊహించని రీతిలో చెలరేగిపోయారు. ఒకే టోర్నీలో 7 స్వర్ణాలు, 3 రజతాలు సాధించి బాక్సింగ్ విభాగంలో భారత్ సరికొత్త చరిత్ర లిఖించింది. ఫైనల్ చేరుకున్న 10 మంది బాక్సర్లు పతకాలు సాధించడం విశేషం. ఈ రికార్డు ప్రదర్శనతో బాక్సింగ్ పాయింట్ల పట్టికలో భారతదేశం అగ్రస్థానంలో నిలిచింది.

స్వర్ణాలు సాధించిన విజేతలు

మహిళల విభాగంలో (5 స్వర్ణాలు):
ప్రీతి పవార్ (54 కేజీల విభాగం)
జైస్మిన్ లాంబోరియా (57 కేజీల విభాగం)
సాక్షి చౌదరి (51 కేజీల విభాగం)
ప్రియ ఘంగాస్ (60 కేజీల విభాగం)
అరుంధతి చౌదరి (70 కేజీల విభాగం)
పురుషుల విభాగంలో (2 స్వర్ణాలు):
సచిన్ సివాచ్ (60 కేజీల విభాగం)
అంకుష్ పంగాల్ (80 కేజీల విభాగం)
CWG Glasgow 2026: 🇮🇳 పాయింట్ల పట్టికలో దూసుకెళ్తున్న భారత్

బాక్సర్ల కనకవర్షంతో పాటు అథ్లెటిక్స్, పారా అథ్లెటిక్స్, జూడో విభాగాల్లోనూ పతకాలు రావడంతో భారత పతకాల సంఖ్య 39కి చేరింది. దీంతో కామన్వెల్త్ గేమ్స్ పాయింట్ల పట్టికలో భారత్ ఓవర్ ఆల్‌గా 4వ స్థానానికి చేరుకుంది.