పెసలతో చేసే వంటల రుచి గురించి చెప్పనక్కరలేదు. ఇవి ఆరోగ్యానికి చేసే మేలు అంతా ఇంతా కాదు. చిన్నారులు, పెద్దలు అందరూ తరచుగా వీటిని తీసుకోవటం వలన ఆరోగ్య సమస్యల బారిన పడకుండా ఉంటారు. పెసల్లో కొలస్ట్రాల్ చాలా తక్కువగా ఉంటుంది. దీనిలో ఇనుము సమృద్దిగా ఉండుట వలన రక్తహినత ఉన్నవారు ఎంత ఎక్కువ తీసుకుంటే అంత మంచిది. అలాగే ఎదిగే చిన్నారులకు, బాగా ఆటలు ఆడేవారికి ఇవి చాలా మేలు చేస్తాయి. వీటిని ఎక్కువగా తీసుకోవటం వలన శరీరంలోని వ్యర్ధాలు బయటకు వస్తాయి. వీటిల్లో ఉండే యాంటి ఆక్సిడెంట్స్ క్యాన్సర్ కణాలతో పోరాటం చేస్తాయి. పెసల్లో పీచు ఎక్కువగా ఉంటుంది. వీరిలో క్యాల్షియం, బి విటమిన్స్ సమృద్దిగా ఉండుట వలన ఎదిగే పిల్లలకు వీటిని తినిపించటం వలన ఎముకలు గట్టిపడతాయి. ఇది తేలికపాటి ఆహారం కావటం వలన తేలికగా జీర్ణం అవుతుంది. అంతేకాక మధుమేహం ఉన్నవారికి పెసలు ఎంతో మేలు చేస్తాయి. వీటిల్లో ఉండే పోషకాలు రక్తంలోని చక్కర స్థాయిలను అదుపులో ఉంచుతాయి. పెసలను వంటకాల రూపంలో తీసుకోకపోయినా, నానబెట్టి మొలకల రూపంలో కూడా తీసుకోవచ్చు. కందిపప్పుకు బదులుగా పెసరపప్పును వంటల్లో ఉపయోగించవచ్చు.