గోధుమ చక్కిలాలు
కావలిసిన పదార్ధాలు
గోధుమపిండి - అరకిలో
కారం - ఒక స్పూను
ఇంగువ - ఒక స్పూను
ఉప్పు - తగినంత
పసుపు - ఒక స్పూను
వాము - ఒక స్పూను
నువ్వులు - రెండు స్పూన్లు
మంచి నీళ్లు - తగినన్ని
తయారీ విధానం
ముందుగా గోధుమపిండిని ఒక బాణలిలోకి తీసుకుని నీళ్లు తప్ప పైన చెప్పినవన్నీ వేసి బాగా కలుపుకోవాలి. ఇలా కలిపిన గోధుమ పిండి మిశ్రమాన్ని ఒక పలుచని గుడ్డలో వేసి మూటలా కట్టి దాన్ని ప్రెషర్‌ కుక్కర్‌లో అడుగున నీళ్లు పోసి, దానిమీద ఒక గిన్నె పెట్టి ఈ పిండి మూటను పెట్టి సుమారు పావుగంట సేపు ఉడికించాలి. ఆవిరి పోయాక మూత తీసి మూట విప్పి అవసరమైతే కొన్ని నీళ్లు చిలకరించి పిండిని ముద్దలా చేయాలి. తరువాత పిండిని చిన్న ముద్దల్లా చేసి చక్కిలాల గొట్టంలో పెట్టి ప్లాస్టిక& కాగితం మీద చిన్న చిన్న చక్రాల్లా వత్తాలి. తరువాత వీటిని జాగ్రత్తగా తీసి కాగిన నూనెలో వేసి వేయించాలి.