క్రేజీ స్టార్స్ మూవీస్ గురించి ఫ్యాన్స్, ఆడియన్స్ ఎప్పుడూ క్రేజీగానే ఉంటారు. వాళ్ల సినిమాలు ఎప్పుడొస్తాయా, ఎప్పుడెప్పుడు చూసేద్దామా అని ఎదురు చూస్తుంటారు. స్టార్ డమ్ ఉన్న నటులు కొంతకాలం ఖాళీగా ఉన్నా ఫ్యాన్స్ కు నిద్రపట్టదు. తమ ఫేవరేట్ హీరో మళ్లీ ఎప్పుడు షూటింగ్ లో పాల్గొంటాడా అని వెయిట్ చేస్తుంటారు. ఆలిండియా సూపర్ స్టార్ రజనీకాంత్ వీర ఫ్యాన్స్ కు ఇప్పుడో శుభవార్త.

సూపర్ స్టార్ రజనీకాంత్ కొంతకాలంగా షూటింగ్స్ కు దూరంగా ఉన్నాడు. కబాలి మూవీ షూటింగ్ కంప్లీట్ అయ్యాక రజనీ ఏ షూటింగ్ లోనూ పాల్గొనలేదు. ఈ మధ్య అమెరికా కూడా వెళ్లిన సంగతి తెలిసిందే. కబాలి సినిమాను రజనీకాంత్ తన ఫ్యామిలీతో సహా అమెరికాలోనే చూశాడు.

ఇలా ఉండగా ఆయన ఆరోగ్యం బాగాలేదనే ప్రచారం కూడా జరిగింది. 

తాజాగా రజనీకాంత్ మళ్లీ షూటింగ్స్ కు అటెండ్ కాబోతున్నాడు. ఈ గుడ్ న్యూస్ ను ఆయనే స్వయంగా అనౌన్స్ చేశాడు. యాక్షన్ కు రెడీగా ఉన్నానని చెబుతున్నాడు. రజనీకాంత్ ప్రస్తుతం రోబో 2.0 సినిమా చేయాల్సి ఉంది. ఈ నెలాఖరున లేదా వచ్చే నెల మొదటివారంలో ఈ పిక్చర్ షూటింగ్ కు సూపర్ స్టార్ అటెండ్ అవుతాడు. నిజానికి ఈ సినిమా షూటింగ్ ఎప్పుడో కంప్లీట్ కావాల్సి ఉంది.

రోబో 2.0 తాజా షెడ్యూల్ వచ్చే శుక్రవారం నుంచి ప్రారంభం అవుతుంది. రజనీకాంత్ కూడా ఈ షెడ్యూల్ లోనే షూటింగ్ కు అటెండ్ కాబోతున్నాడు. రజనీకాంత్ షూటింగ్ కు వచ్చేలోగా ఇతర నటీనటులపై కొన్ని కీలకమైన సీన్స్ తీయడానికి డైరెక్టర్ శంకర్ రెడీ అవుతున్నాడు. బాలీవుడ్ హీరో అక్షయ్ కుమార్ కూడా ఈ సినిమాలో యాక్ట్ చేస్తున్నాడు. రోబోగా రజనీకాంత్ చేసే సీన్స్ ఈ సినిమాకే హైలైట్ అవుతాయంటున్నారు.