దోహా: ఖతార్‌కు చెందిన ప్రముఖ హాస్పిటాలిటీ ప్రాపర్టీ యజమాని, నిర్వాహక సంస్థ కతారా హాస్పిటాలిటీ తన ‘సమ్మర్ యువర్ వే’ (Summer Your Way) ప్రచారాన్ని ఈ ఏడాది సెప్టెంబర్ 30 వరకు పొడిగించింది. ఈ ఆఫర్ ద్వారా ఖతార్‌లోని పలు ప్రముఖ లగ్జరీ హోటళ్లు, బీచ్ రిసార్టుల్లో బస, రెస్టారెంట్లు, స్పా సేవలపై 40 శాతం వరకు తగ్గింపు పొందవచ్చు.

ఈ ప్రచారం జూన్ 1 నుంచి సెప్టెంబర్ 30 వరకు అందుబాటులో ఉంటుంది. ఖతార్ పౌరులు, నివాసితులు, జీసీసీ దేశాల సందర్శకులకు ప్రత్యేకమైన వేసవి అనుభవాలు, లగ్జరీ స్టేకేషన్ ప్యాకేజీలు, కుటుంబాలకు అనువైన ప్రయోజనాలను అందించేందుకు ఈ కార్యక్రమాన్ని రూపొందించారు.
ఈ ఆఫర్‌లో ది రిట్జ్-కార్ల్టన్, దోహా, షార్క్ విలేజ్ & స్పా, షెరటన్ గ్రాండ్ దోహా రిసార్ట్ & కన్వెన్షన్ హోటల్, అల్ మెస్సిలా, ఫెయిర్‌మాంట్ దోహా, రాఫెల్స్ దోహా, హిల్టన్ సల్వా బీచ్ రిసార్ట్ & విల్లాస్, రిక్సోస్ గల్ఫ్ హోటల్ దోహా తదితర ప్రముఖ హోటళ్లు, రిసార్టులు ఉన్నాయి. అలాగే సిమైస్మా, ఎ ముర్వాబ్ రిసార్ట్, సీలైన్ బీచ్, ఎ ముర్వాబ్ రిసార్ట్, జౌరీ, ఎ ముర్వాబ్ హోటల్, మోవెన్‌పిక్ హోటల్ దోహా, సోమర్సెట్ వెస్ట్ బే దోహా, డానా క్లబ్ కూడా ఈ ప్రచారంలో భాగస్వాములుగా సేవలు అందిస్తున్నాయి.

స్టే ఆధారంగా తగ్గింపులు

ఒక రాత్రి స్టే చేసేవారికి గదుల అందుబాటు ధరపై, హోటల్ నిర్వహించే రెస్టారెంట్లలో, స్పా చికిత్సలపై 20 శాతం తగ్గింపు లభిస్తుంది. వ్యక్తిగత ఇన్-రూమ్ సదుపాయాలు, అందుబాటును బట్టి ఎర్లీ చెక్-ఇన్, లేట్ చెక్-అవుట్ వంటి ప్రయోజనాలు కూడా ఉంటాయి. అలాగే, QR200 చెల్లించి తదుపరి గది కేటగిరీకి అప్‌గ్రేడ్ అయ్యే అవకాశం ఉంటుంది. అయితే విల్లాలు, ప్రెసిడెన్షియల్ సూట్లు, రాయల్ సూట్లకు ఈ సదుపాయం వర్తించదు.
ఇక రెండు రాత్రులు స్టే చేసేవారికి వసతి, భోజనం, స్పా సేవలపై 30 శాతం తగ్గింపు లభిస్తుంది. మూడు రాత్రులు లేదా అంతకంటే ఎక్కువ రోజులు స్టే చేసేవారికి గదులు, ఆహార-పానీయ సేవలు, స్పా చికిత్సలపై 40 శాతం వరకు తగ్గింపు అందించనున్నారు.

రెస్టారెంట్లు, బీచ్, వాటర్ పార్క్‌లకూ ఆఫర్లు

ఎంపిక చేసిన రెస్టారెంట్లు, కేఫేలు, స్పా చికిత్సలు, స్విమ్మింగ్ పూల్, బీచ్ యాక్సెస్‌పై అతిథులు 25 శాతం వరకు తగ్గింపు పొందవచ్చు. అలాగే ప్రాంతంలోని ప్రముఖ వాటర్ పార్క్‌లలో ఒకటైన డెజర్ట్ ఫాల్స్ వాటర్ & అడ్వెంచర్ పార్క్ వంటి ఎంపిక చేసిన ఆకర్షణలకు ప్రవేశ టికెట్లపైనా ప్రత్యేక ప్రయోజనాలు అందుబాటులో ఉంటాయి.

ఫ్యామిలీ లకు ప్రత్యేక ప్రోగ్రామ్స్

సిమైస్మా, సీలైన్ బీచ్ రిసార్టుల్లో కుటుంబాలకు బీచ్ అనుభవాలు, అవుట్‌డోర్ కార్యక్రమాలు, ఖతార్ సంప్రదాయాలను ప్రతిబింబించే సాంస్కృతిక కార్యక్రమాలు నిర్వహించనున్నారు. ఫెయిర్‌మాంట్ దోహా, రాఫెల్స్ దోహాలో కుటుంబాలకు సృజనాత్మక కార్యక్రమాలు, ఆహార అనుభవాలు, వినోదాన్ని కలిపిన ప్రత్యేక ప్యాకేజీలు అందుబాటులో ఉంటాయి.

ది రిట్జ్-కార్ల్టన్ దోహా, షార్క్ విలేజ్ & స్పాలో ప్రసిద్ధ రిట్జ్ కిడ్స్ కార్యక్రమాల ద్వారా పిల్లలకు వినోదంతో పాటు విద్యాపరమైన, కుటుంబానికి అనువైన అనుభవాలను అందించనున్నారు. రిక్సోస్ గల్ఫ్ హోటల్ దోహాలో కుటుంబాల కోసం ప్రత్యేక వినోద కార్యక్రమాలు, థీమ్ ఆధారిత అనుభవాలు, ఖతార్‌లోని పలు ప్రముఖ ఆకర్షణలను కల్పించనున్నారు.

అలాగే షెరటన్ గ్రాండ్ దోహా, మోవెన్‌పిక్ హోటల్ దోహా, సోమర్సెట్ వెస్ట్ బే, డానా క్లబ్, హిల్టన్ సల్వా బీచ్ రిసార్ట్ & విల్లాస్, అల్ మెస్సిలా వంటి హోటళ్లలో వెల్‌నెస్ రిట్రీట్లు, ప్రత్యేక వంటకాల అనుభవాలు, పిల్లల వినోద కార్యక్రమాలు, బీచ్ వినోదం వంటి విభిన్న సమ్మర్ కార్యక్రమాలు అందుబాటులో ఉన్నాయి. ఖతార్‌లోని ఫ్యామిలీలు ఒకేచోట నాణ్యమైన లగ్జరీ సెలవులను ఆస్వాదించేందుకు, కొత్త ప్రాంతాలను సందర్శించేందుకు ఈ ‘సమ్మర్ యువర్ వే’ ప్రచారం మంచి అవకాశాన్ని కల్పిస్తుందని కతారా హాస్పిటాలిటీ వెల్లడించింది.