మస్కట్: భారత్ వైపు ప్రయాణిస్తున్న MV Cape Dao నౌకపై జరిగిన దాడిలో ఒక భారతీయ పౌరుడు మృతి చెందినట్లు మస్కట్‌లోని భారత రాయబార కార్యాలయం వెల్లడించింది.

ఈ ఘటనపై భారత రాయబార కార్యాలయం తీవ్ర విచారం వ్యక్తం చేస్తూ, మృతుడి కుటుంబ సభ్యులకు ప్రగాఢ సానుభూతి తెలిపింది.

నౌకలో మొత్తం 19 మంది భారతీయులు సహా సిబ్బంది ఉన్నట్లు రాయబార కార్యాలయం పేర్కొంది. నౌకలో ఉన్న సిబ్బంది అందరి భద్రతకు సంబంధించి ఒమన్ అధికారులతో నిరంతరం సమన్వయం చేస్తున్నామని తెలిపింది.

ఘటనకు సంబంధించిన పూర్తి వివరాలు, దాడి జరిగిన పరిస్థితులపై మరిన్ని వివరాలు ఇంకా వెల్లడించాల్సి ఉంది. నౌకలోని మిగిలిన సిబ్బంది భద్రతపై అధికారులు దృష్టి సారించారు.