దోహా:వాటర్ లైన్ నిర్వహణ పనుల నేపథ్యంలో ఖతార్ జనరల్ ఎలక్ట్రిసిటీ అండ్ వాటర్ కార్పొరేషన్ (KAHRAMAA) కీలక ట్రాఫిక్ మార్పును ప్రకటించింది. దుఖాన్ రోడ్ వైపు వెళ్లే వెస్ట్‌బౌండ్ రహదారిలో కుడివైపు ఉన్న మూడు లేన్లను తాత్కాలికంగా మూసివేయనున్నారు. ఈ తాత్కాలిక మూసివేత నేటి నుంచి సెప్టెంబర్ 30 వరకు అమల్లో ఉంటుంది. నీటి సరఫరా లైన్‌కు సంబంధించిన నిర్వహణ పనులు చేపట్టేందుకు ఈ ట్రాఫిక్ మూసివేత అవసరమైందని KAHRAMAA తెలిపింది. ఈ పనులు జనరల్ డైరెక్టరేట్ ఆఫ్ ట్రాఫిక్ సమన్వయంతో నిర్వహిస్తున్నట్లు పేర్కొంది.

మూసివేత సమయంలో వాహనదారులు తాత్కాలిక ట్రాఫిక్ మళ్లింపులను పాటించాలని అధికారులు సూచించారు. అలాగే అధికారులు సూచించిన ప్రత్యామ్నాయ మార్గాలను వినియోగించాలని కోరారు. ట్రాఫిక్ అంతరాయం కారణంగా ప్రయాణ సమయం పెరిగే అవకాశం ఉన్నందున, ఈ మార్గంలో వెళ్లే వాహనదారులు ముందుగానే తమ ప్రయాణాన్ని ప్లాన్ చేసుకోవడం మంచిదని పేర్కొన్నది.