బహ్రెయిన్లో ఐదుగురు ఆసియా దేశస్థులు అరెస్ట్..!!
- October 01, 2026
మనామా: బహ్రెయిన్లో మూడు వేర్వేరు డ్రగ్స్ కేసుల్లో ఐదుగురు ఆసియా దేశస్థులను యాంటీ నార్కోటిక్స్ డైరెక్టరేట్ అధికారులు అరెస్ట్ చేశారు. వారి వద్ద నుంచి 2.5 కిలోలకు పైగా మాదక ద్రవ్యాలు, సైకోట్రోపిక్ పదార్థాలను స్వాధీనం చేసుకున్నారు. వీటి విలువ 40,000 బహ్రెయినీ దినార్లకు పైగా ఉంటుందని అధికారులు తెలిపారు.
బహ్రెయిన్ అంతర్గత వ్యవహారాల మంత్రిత్వ శాఖ తెలిపిన వివరాల ప్రకారం.. జనరల్ డైరెక్టరేట్ ఆఫ్ క్రిమినల్ ఇన్వెస్టిగేషన్ అండ్ ఫోరెన్సిక్ సైన్స్ పరిధిలోని యాంటీ నార్కోటిక్స్ డైరెక్టరేట్ చేపట్టిన దర్యాప్తులో ఈ అరెస్టులు జరిగాయి. అరెస్టైన వారి వయసు 39 నుంచి 46 సంవత్సరాల మధ్య ఉన్నట్లు అధికారులు వెల్లడించారు.
అధికారులకు అందిన సమాచారం ఆధారంగా దర్యాప్తు చేపట్టి నిందితులను గుర్తించారు. అనంతరం వారిని అరెస్ట్ చేసి, వారి వద్ద ఉన్న డ్రగ్స్, సైకోట్రోపిక్ పదార్థాలను స్వాధీనం చేసుకున్నారు. మూడు కేసుల్లో ఒకదానిలో కస్టమ్స్ అఫైర్స్ అధికారులతో సమన్వయంతో చర్యలు చేపట్టినట్లు మంత్రిత్వ శాఖ తెలిపింది. నిందితులపై చట్టపరమైన ప్రక్రియను పూర్తి చేసి కేసులను పబ్లిక్ ప్రాసిక్యూషన్కు అప్పగించేందుకు చర్యలు చేపట్టారు.
డ్రగ్స్ సంబంధిత నేరాల నివారణలో ప్రజల సహకారం కీలకమని జనరల్ డైరెక్టరేట్ ఆఫ్ క్రిమినల్ ఇన్వెస్టిగేషన్ అండ్ ఫోరెన్సిక్ సైన్స్ పేర్కొంది. మాదక ద్రవ్యాల ప్రమాదాలపై ప్రజల్లో అవగాహన పెంచాల్సిన అవసరం ఉందని తెలిపింది. డ్రగ్స్కు సంబంధించిన నేరాలపై సమాచారం ఉన్నవారు 996 హాట్లైన్ ద్వారా లేదా [email protected] ఈమెయిల్కు సమాచారం అందించాలని అధికారులు కోరారు. సమాచారం ఇచ్చిన వారి వివరాలను గోప్యంగా ఉంచుతామని స్పష్టం చేశారు.
తాజా వార్తలు
- ఇరాన్ వైమానిక దాడులను అడ్డుకున్న బహ్రెయిన్ రక్షణ దళాలు
- వందేభారత్లో చిక్కుకున్న 12 మంది..సెండాఫ్ ఇవ్వడానికి వెళ్తే రూ.36 వేల జరిమానా!
- బహ్రెయిన్లో భక్తిశ్రద్ధలతో ఛఠ్ పూజ..!!
- కేరళకు చెందిన భారతీయుడిని వరించిన అదృష్టం..!!
- ఒమన్లో వాహనాలతో స్టంట్లు చేస్తే OMR500 జరిమానా, జైలు శిక్ష..!!
- సౌదీలో సపోర్ట్ లేబర్ రంగంపై నిబంధనలు ఉల్లంఘిస్తే చర్యలు..!!
- ఖతార్ అమీర్తో అబుదాబి డిప్యూటీ రూలర్ భేటీ..!!
- కువైట్ అమీర్, క్రౌన్ ప్రిన్స్ ఫొటోలు వాడుతున్నారా?
- రాష్ట్ర పండుగగా రామోజీరావు జయంతి.. చంద్రబాబు కీలక ప్రకటన!
- హైదరాబాద్లో 27వ అఖిల భారత పోలీస్ బ్యాండ్ పోటీలు ప్రారంభం







