వందేభారత్లో చిక్కుకున్న 12 మంది..సెండాఫ్ ఇవ్వడానికి వెళ్తే రూ.36 వేల జరిమానా!
- November 17, 2026
న్యూ ఢిల్లీ: బంధువులు, కుటుంబ సభ్యులకు రైల్వే స్టేషన్లో సెండాఫ్ ఇవ్వడానికి వెళ్లిన 12 మందికి ఊహించని షాక్ తగిలింది. తమ ఆత్మీయులను రైలు ఎక్కించి తిరిగి దిగేలోపే వందేభారత్ ఎక్స్ప్రెస్ ఆటోమేటిక్ తలుపులు మూసుకుపోవడంతో వారంతా రైలులోనే చిక్కుకుపోయారు. అప్పటికే రైలు స్టేషన్ నుంచి బయలుదేరడంతో చేసేదేమీ లేక 139 కిలోమీటర్ల దూరం ప్రయాణించాల్సి వచ్చింది. చివరకు మరో స్టేషన్లో వారిని దించిన రైల్వే అధికారులు.. సరైన టిక్కెట్లు లేకుండా ప్రయాణించినందుకు ఏకంగా రూ.36 వేల జరిమానా విధించారు. ఉత్తరప్రదేశ్లో చోటుచేసుకున్న ఈ ఘటన ప్రస్తుతం చర్చనీయాంశంగా మారింది. ఉత్తరప్రదేశ్లోని కాన్పూర్ సెంట్రల్ రైల్వే స్టేషన్లో ఈ ఘటన చోటుచేసుకుంది. బనారస్ నుంచి దిల్లీకి వెళ్తున్న వందేభారత్ ఎక్స్ప్రెస్ రైలులో తమ కుటుంబ సభ్యులను ఎక్కించేందుకు వివిధ ప్రాంతాల నుంచి 12 మంది స్టేషన్కు వచ్చారు. వారంతా రైలు బోగీల్లోకి వెళ్లి తమ బంధువులను సీట్ల వద్ద కూర్చోబెట్టే పనిలో పడ్డారు. అయితే ఈ క్రమంలో రైలు బయలుదేరే సమయం కావడంతో బోగీల ఆటోమేటిక్ తలుపులు మూసుకుపోయాయి. దీంతో లోపల ఉన్న 12 మంది బయటకు రాలేకపోయారు.
ఆటోమేటిక్ డోర్లతో తప్పని ప్రయాణం
వందేభారత్ ఎక్స్ప్రెస్ రైళ్లలో ప్రయాణికుల భద్రత కోసం ఆటోమేటిక్ డోర్ వ్యవస్థను ఏర్పాటు చేశారు. రైలు స్టేషన్కు చేరుకున్నప్పుడు మాత్రమే ఈ తలుపులు తెరుచుకుంటాయి. నిర్ణీత సమయం తర్వాత వాటంతట అవే మూసుకుపోతాయి. ఈ విషయం తెలియని 12 మంది రైలు బయలుదేరిన తర్వాత తాము లోపలే ఉండిపోయామని గుర్తించారు. వెంటనే రైల్వే సిబ్బందిని సంప్రదించి తలుపులు తెరవాలని కోరారు. కానీ రైలు కదులుతున్న సమయంలో భద్రతా కారణాల దృష్ట్యా తలుపులు తెరవడం సాధ్యం కాలేదు. దీంతో వారు తీవ్ర ఆందోళనకు గురయ్యారు. వారిలో మహిళలు, పిల్లలు కూడా ఉండటంతో పరిస్థితి మరింత ఇబ్బందికరంగా మారింది. కొందరు రైల్వే సిబ్బందిపై నిరసన వ్యక్తం చేసినప్పటికీ మధ్యలో రైలును ఆపి వారిని దించే అవకాశం లేకుండా పోయింది. రైలులో అనుకోకుండా చిక్కుకుపోయిన ఆ 12 మందికి చివరకు ప్రయాణం తప్పలేదు. బంధువులకు వీడ్కోలు చెప్పడానికి వచ్చిన వారు తామే ప్రయాణికులుగా మారిపోయారు. రైలు నిర్ణీత మార్గంలో ముందుకు సాగడంతో వారు సుమారు 139 కిలోమీటర్ల దూరం ప్రయాణించారు. చివరకు ఉత్తరప్రదేశ్లోని ఎటావా రైల్వే స్టేషన్లో రైల్వే అధికారులు వారిని కిందకు దించారు.
టిక్కెట్లు లేకుండా ప్రయాణం..రూ.36 వేల ఫైన్
ఎటావా స్టేషన్లో దిగిన తర్వాత వారికి మరో షాక్ ఎదురైంది. సరైన ప్రయాణ టిక్కెట్లు లేకుండా రైలులో ప్రయాణించినందుకు రైల్వే అధికారులు జరిమానా విధించారు. మొత్తం జరిమానా రూ.36,000. ఈ ఘటనపై నార్త్ సెంట్రల్ రైల్వే చీఫ్ పబ్లిక్ రిలేషన్స్ ఆఫీసర్ (CPRO) శివం శర్మ స్పందించారు. వందేభారత్ రైళ్లలో ఆటోమేటిక్ తలుపులు ఉంటాయని, సరైన అనుమతి లేకుండా రైలు బోగీల్లోకి ప్రవేశించడం నిషిద్ధమని తెలిపారు. అంతేకాకుండా ఈ 12 మంది ప్లాట్ఫామ్ టిక్కెట్లు కూడా కొనుగోలు చేయలేదని వెల్లడించారు. వారిని ఎటావా స్టేషన్లో దించిన అనంతరం రైల్వే అధికారులు నిబంధనల ప్రకారం చర్యలు తీసుకుని జరిమానా విధించినట్లు వివరించారు. ఈ ఘటన నేపథ్యంలో రైల్వే అధికారులు ప్రయాణికులకు కీలక సూచనలు చేశారు. కుటుంబ సభ్యులను, బంధువులను రైలు ఎక్కించేందుకు స్టేషన్కు వచ్చే వారు తప్పనిసరిగా ప్లాట్ఫామ్ టిక్కెట్లు కొనుగోలు చేయాలని సూచించారు.
తాజా వార్తలు
- ఇరాన్ వైమానిక దాడులను అడ్డుకున్న బహ్రెయిన్ రక్షణ దళాలు
- వందేభారత్లో చిక్కుకున్న 12 మంది..సెండాఫ్ ఇవ్వడానికి వెళ్తే రూ.36 వేల జరిమానా!
- బహ్రెయిన్లో భక్తిశ్రద్ధలతో ఛఠ్ పూజ..!!
- కేరళకు చెందిన భారతీయుడిని వరించిన అదృష్టం..!!
- ఒమన్లో వాహనాలతో స్టంట్లు చేస్తే OMR500 జరిమానా, జైలు శిక్ష..!!
- సౌదీలో సపోర్ట్ లేబర్ రంగంపై నిబంధనలు ఉల్లంఘిస్తే చర్యలు..!!
- ఖతార్ అమీర్తో అబుదాబి డిప్యూటీ రూలర్ భేటీ..!!
- కువైట్ అమీర్, క్రౌన్ ప్రిన్స్ ఫొటోలు వాడుతున్నారా?
- రాష్ట్ర పండుగగా రామోజీరావు జయంతి.. చంద్రబాబు కీలక ప్రకటన!
- హైదరాబాద్లో 27వ అఖిల భారత పోలీస్ బ్యాండ్ పోటీలు ప్రారంభం







